سەناتورلار ءوڭىر جاعدايىمەن تانىستى

سەناتور مەملەكەت باسشى­سىنىڭ قازاقستان حالقىنا جول­داۋىندا العا قويىلعان مىندەت­تەردى ىسكە اسىرۋ بارىسىن اۋىل تۇرعىندارىمەن بىرگە تالقىلادى. كەزدەسۋگە قاتىسۋشىلار پرە­زيدەنتتىڭ باستاماسى بويىنشا ادىلەتتى قازاقستاندى قۇرۋ­­دى كوزدەيتىن ساياسي جانە ەكونو­ميكالىق رەفورمالاردى قولداۋ جونىندەگى سەنات جۇرگىزىپ جاتقان زاڭ شىعارۋ جۇمىسىنا جان-جاقتى توقتالدى.

«2022 جىلى ءبىزدىڭ ەلىمىز­دە جاڭا كەزەڭ باستالدى. پرە­زي­دەنت باستاماسى بويىنشا جۇزەگە اسقان رەفورمالار اياسىندا پارلامەنتتىڭ ءرولى مەن ىقپالى ارتا ءتۇستى. بۇل قادام­دار قازاقستاندى ودان ءارى دەمو­كراتيالاندىرۋعا باعىتتالعان دەپ سانايمىز», دەدى ءالي بەكتاەۆ.

كەزدەسۋگە قاتىسۋشىلار سونى­مەن قاتار اۋىلدىق ەلدى مەكەن­دەردىڭ ينفراقۇرىلىمىن جاڭعىرتۋدىڭ, اۋىل حالقىنىڭ ءومىر ءسۇرۋ ساپاسىن جاقسارتۋدىڭ جانە ءبىلىم بەرۋ سالاسىن دامى­تۋدىڭ وزەكتى ماسەلەلەرىن دە تالقىلادى.

ال سەناتورلار نۇرلان بەكنا­زاروۆ پەن ايگۇل قاپباروۆا شىم­كەنت قالاسىنداعى «ەنەرگو­ورتالىق-3» اق جۇمىسىمەن تانىستى. بيىل مۇندا ەلەكتر ستانساسىنىڭ نەگىزگى جانە قوسال­قى جابدىقتارىنا جوندەۋ جۇمىس­تارى جۇرگىزىلدى.

كومپانيا وكىلدەرىنىڭ ايتۋىنشا, كاسىپورىن 1981 جىلى سالىنعان. ونىڭ نەگىزگى جابدىق­تارى 61,5 پايىزعا دەيىن توزىپ كەتكەن. سەناتورلار مەملەكەت باسشىسىنىڭ تاپسىرمالارىن ەسكەرە وتىرىپ, ەلىمىزدىڭ بىرقاتار جىلۋ ەلەكتر ستانسالارىندا ورىن العان اۋىر اپاتتاردى جانە جىلۋ بەرۋ ماۋسىمىندا اۆا­ريالىق جاعدايلار مەن تەح­ني­كالىق اقاۋلاردى الدىن الۋ­دىڭ ماڭىزدىلىعىنا جەو باسشى­لى­عىنىڭ ەرەكشە نازارىن اۋداردى.

«مەملەكەت باسشىسىنىڭ تاپسىر­ماسى بويىنشا ەنەرگيا ءوندىرۋشى كومپانيالارعا اۋقىم­دى تەحنولوگيالىق ساراپتاما جۇرگىزىلدى جانە شارالار جوس­پارى بەلگىلەندى. الداعى ۋاقىتتا ەلەكتر ستانسالارى باس­شى­لارىنىڭ جاۋاپكەرشىلىگىن ارت­تىرۋ ماسەلەلەرى بويىنشا قول­دانىستاعى زاڭناماعا وزگەرىستەر ەنگىزۋ قاراستىرىلاتىن بولادى», دەدى ايگۇل قاپباروۆا.

سەناتورلار «كونگرەسس حولل» كوپسالالى كەشەنىنىڭ قۇرىلىس بارىسىمەن جانە مەملەكەت-جەكەمەنشىك ارىپتەستىك اياسىندا ىسكە قوسىلعان «اتامەكەن» مەدي­تسينالىق ورتالىعىنىڭ جۇمى­سىمەن دە تانىستى.