سىرتقى ىستەر ءمينيسترىنىڭ ورىنباسارى ە.اشىقباەۆ باستاعان قازاقستاندىق دەلەگاتسيا پاراگۆاي استاناسى – اسۋنسوندا وتكەن امەريكا مەملەكەتتەرى ۇيىمى 44-ءشى باس اسسامبلەياسىنىڭ جۇمىسىنا قاتىستى.
امەريكا مەملەكەتتەرى ۇيىمى – امەريكا كونتينەنتىنىڭ 35 مەملەكەتىن بىرىكتىرەتىن ءىرى ايماقتىق ۇيىم. قازاقستان 1996 جىلدان بەرى ونىڭ تۇراقتى باقىلاۋشىسى بولىپ تابىلادى.
ءىس-شارانىڭ اشىلۋ كۇنى قازاقستاندىق دەلەگاتسيا باسشىسى پاراگۆاي سىرتقى ىستەر مينيسترىنىڭ ورىنباسارى ف.گونسالەسپەن كەزدەستى. اڭگىمەلەسۋشى تاراپتار ءبىزدىڭ ەلدەرىمىزدىڭ حالىقارالىق كۇن ءتارتىبىنىڭ, سونىڭ ىشىندە تەڭىزگە شىعاتىن جولى جوق مەملەكەتتەر توبىمەن بىرلەسكەن جۇمىس اياسىنداعى بىرقاتار ماسەلەلەرى بويىنشا ۇستانىمدارىمىزدىڭ جاقىندىعىن راستادى. كەلىسسوزدەر قورىتىندىسى بويىنشا ە.اشىقباەۆ پەن ف.گونسالەس ساياسي كەڭەستەر ورناتۋ تۋرالى مەموراندۋمعا قول قويىپ, ءبىزدىڭ ەلدەرىمىز اراسىندا ۆيزالىق رەجىمدى جەڭىلدەتۋ بويىنشا كەلىسىم ورناتۋ جونىندە جۇمىستاردى باستاۋعا ۋاعدالاستى.
امەريكا مەملەكەتتەرى ۇيىمىنىڭ باس حاتشىسى ح.ينسۋلسپەن كەزدەسۋى بارىسىندا تاراپتار قازاقستان مەن ۇيىم اراسىنداعى ءوزارا ىقپالداستىقتىڭ سوڭعى جىلدارى بەلسەندى سيپاتقا يە بولا تۇسكەنىن اتاپ ءوتىپ, ءارى قاراي ىنتىماقتاستىقتى نىعايتۋ باعىتتارىن بەلگىلەدى. سونداي-اق, ح.ينسۋلس جاقىن ۋاقىتتا استاناعا كەلۋگە قىزىعۋشىلىق تانىتتى.
امەريكا مەملەكەتتەرى ۇيىمىنا مۇشە مەملەكەتتەر سىرتقى ىستەر مينيسترلەرىنىڭ الدىندا سويلەگەن سوزىندە قازاقستاندىق دەلەگاتسيا باسشىسى قازاقستاننىڭ ايماقتاعى ەلدەرمەن بايلانىسىنىڭ ءىس جۇزىندە نىعايۋ بولاشاعى جايىندا ايتىپ بەردى.
جالپى, باس اسسامبلەيا الاڭىندا ە.اشىقباەۆ ۇيىمعا مۇشە مەملەكەتتەر دەلەگاتسيالارىنىڭ باسشىلارىمەن 25 كەزدەسۋ وتكىزدى. اتاپ ايتقاندا, مەكسيكا, دومينيكان رەسپۋبليكاسى, ەكۆادور, ۋرۋگۆاي, كوستا-ريكا, باگام, يامايكا, كولۋمبيا, گرەنادا, گايانا, سەنت-ليۋسيا, سەنت-ۆينسەنت جانە گرەنادين, نيكاراگۋا, سۋرينام جانە ت.ب. مەملەكەتتەردىڭ دەلەگاتسيا باسشىلارىمەن كەزدەستى. ساياسي جانە ساۋدا-ەكونوميكالىق ىنتىماقتاستىقتى كەڭەيتۋ, قازاقستان كانديداتۋراسىن 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشەلىگىنە تارتۋ, سونىمەن قاتار, لاتىن امەريكاسى مەن كاريب باسسەينى ەلدەرىمەن ۆيزالىق رەجىمدى جەڭىلدەتۋ كۇن ءتارتىبىنىڭ نەگىزگى ماسەلەلەرىنە اينالدى.