قازاقستاندىق تەننيسشى العاشقى اينالىمدا الەمنىڭ 14-ءىنشى, وسى جارىستىڭ 5-راكەتكاسى, امەريكالىق دانيەل كوللينزبەن كەزدەستى, دەپ حابارلايدى Egemen.kz.
قازاقستان تەننيس فەدەراتسياسىنىڭ مالىمەتىنشە, ءبىرىنشى پارتيا اياعىنا تامان برەيك جاساعان امەريكالىق سپورتشى باسىم ءتۇستى – 7:5.
ەكىنشى سەتتە ەسەسىنە قازاقستاندىق تەننيسشى 4:1 ەسەبىمەن العا كەتتى. سوسىن تاعى ءبىر برەيكپەن ءتامامدادى – 6:2.
ءۇشىنشى, شەشۋشى پارتيادا دا ە.رىباكينا قارقىنىن باسەڭدەتكەن جوق – 4:1. تاعى ءبىر برەيك – 5:1. بۇدان كەيىن قارسىلاسى ەسەپتى قىسقارتقانىمەن, ەلەنا ەكىنشى رەت ماتچقا دوپ بەرگەندە, قاتەلەسكەن جوق – 6:3.
رىباكينا شيرەك فينالعا شىعۋ ءۇشىن الەمنىڭ 69-راكەتكاسى, ۋكراينالىق مارتا كوستيۋكپەن كەزدەسەدى.