مەملەكەت باسشىسى قاسىم-جومارت توقاەۆ داڭقتى فۋتبولشى, ءۇش دۇركىن الەم چەمپيونى پەلەنىڭ قايتىس بولۋىنا بايلانىستى برازيليا پرەزيدەنتى جاير بولسونارۋعا كوڭىل ايتۋ جەدەلحاتىن جولدادى, دەپ حابارلايدى Egemen.kz.
پرەزيدەنت فۋتبول تاريحىنداعى ۇلى سپورتشىلاردىڭ ءبىرى رەتىندە ونىڭ فۋتبولدى بۇكىل الەمگە تانىتۋعا زور ۇلەس قوسقانىن اتاپ ءوتتى.
«مەملەكەت باسشىسىنىڭ ايتۋىنشا, پەلە ارقاشان فۋتبولعا دەگەن ادالدىقتىڭ سيمۆولى ءارى جانكۇيەرلەردىڭ سۇيىكتى فۋتبولشىسى بولدى جانە سولاي بولىپ قالا بەرەدى. سونداي-اق ول سپورتتىڭ وسى ءتۇرىن ەڭ جوعارى دەڭگەيگە كوتەردى», دەلىنگەن پرەزيدەنتتىڭ ءباسپاسوز قىزمەتى تاراتقان حابارلامادا.