سەۋلدەن وڭتۇستىككە قاراي 20 شاقىرىم جەردەگى گۆاچحون قالاسىنداعى تاسجولداعى تۋننەلدەن شىققان ورتتەن التى ادام قازا تاپتى, دەپ حابارلايدى Egemen.kz.
Yonhap اگەنتتىگىنىڭ جازۋىنشا, ءورت جەرگىلىكتى ۋاقىت بويىنشا 13:49 شاماسىندا باستالعان. ءورت اۆتوبۋس پەن جۇك كولىگىنىڭ سوقتىعىسۋى سالدارىنان شىققان دەگەن بولجام بار.
قازىر گازدان ۋلانعان 20-دان استام ادام ەم قابىلداپ جاتىر.
وقيعا ورنىنا 50-گە جۋىق ءورت ءسوندىرۋ كولىگى مەن تەحنيكا, سونداي-اق 140-قا جۋىق ءورت ءسوندىرۋشى جىبەرىلدى. ءورت جەرگىلىكتى ۋاقىت بويىنشا 14:40 شاماسىندا اۋىزدىقتالدى.
پوليتسيا مەن ءورت ءسوندىرۋ قىزمەتى وقيعانىڭ ءمان-جايىن انىقتاپ جاتىر.