پرەزيدەنت قاسىم-جومارت توقاەۆ قازاقستان رەسپۋبليكاسىنداعى ادام قۇقىقتارى جونىندەگى ۋاكىل لاۋازىمىنا ارتۋر لاستاەۆتىڭ كانديداتۋراسىن ۇسىندى, دەپ حابارلايدى Egemen.kz.
سەنات دەپۋتاتتارى ارتۋر لاستاەۆتىڭ كانديداتۋراسىن قولدادى.
ارتۋر لاستاەۆ 1983 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن.
2006 جىلى الماتى قالاسى پروكۋراتۋراسىنىڭ بوستاندىق اۋدانى پروكۋرورىنىڭ كومەكشىسى بولعان.
سونداي-اق ول الەۋمەتتىك-ەكونوميكالىق سالاداعى زاڭدىلىقتى قاداعالاۋ دەپارتامەنتىنىڭ ءبولىم باستىعى بولدى.
ارتۋر لاستاەۆ باس پروكۋراتۋرانىڭ وكىلى – بۇۇ بولىمشەسى جانە جەنەۆاداعى باسقا دا حالىقارالىق ۇيىمدار جانىنداعى قازاقستان رەسپۋبليكاسى تۇراقتى وكىلدىگىنىڭ كەڭەسشىسى قىزمەتتەرىن اتقارادى.
2018 جىلدان 2022 جىلعا دەيىن ەۋروپاداعى باس پروكۋراتۋرانىڭ وكىلى – قازاقستاننىڭ شۆەيتسارياداعى ەلشىلىگىنىڭ كەڭەسشىسى بولدى.
2022 جىلدان باستاپ باس پروكۋراتۋرانىڭ حالىقارالىق-قۇقىقتىق ىنتىماقتاستىق قىزمەتىنىڭ باستىعى بولعان.
ايتا كەتسەك, بۇگىن 2022 جىلعى 29 جەلتوقساندا مەملەكەت باسشىسى قاسىم-جومارت توقاەۆ قازاقستان پارلامەنتى سەناتىنىڭ وتىرىسىنا قاتىستى.