پاۆلودار وبلىسىندا قۇنى ميلليون تەڭگەنى قۇرايتىن اعاشتار زاڭسىز كەسىلدى, دەپ حابارلايدى Egemen.kz.
پاۆلودار وبلىسىنىڭ پروكۋراتۋراسى «ەرتىس ورمانى» تابيعي رەزەرۆاتىندا تەكسەرۋ جۇرگىزىپ, بىرقاتار زاڭ بۇزۋشىلىقتى انىقتادى. ماسەلەن, اعاش وتىرعىزعاندا 30-40 پايىزى عانا تامىر العان. قۇنى 5 ميلليون تەڭگەگە جۋىق اعاشتار زاڭسىز كەسىلگەن. سوڭعى توعىز جىلدا قورىقتا ورمان ورنالاستىرۋ جوباسى بولماعان. جۇمىسشىلار اراسىندا 69 ادامنىڭ ءتيىستى بىلىكتىلىگى جوق بولسا, ۇشەۋى ءتىپتى جالعان ديپلوممەن جۇمىس ىستەيدى.
«مەملەكەتتە اعاشتاردى زاڭسىز كەسۋ, ياعني ورمان ۇرلاۋ فاكتىلەرىمەن اينالىسقان ءتورت قىزمەتكەر بار. سونىمەن قاتار قورىق اۋماعى مەن شەكارادا اعاش كەسەتىن زاۋىتتاردىڭ بولعانى تۋرالى فاكتىلەر انىقتالدى. ەرەكشە قورعالاتىن اۋماق رۇقسات ەتپەسە دە, بۇل اۋماقتاردا اعاش وڭدەۋ زاۋىتتارى ورنالاسقان», دەدى پاۆلودار وبلىسى پروكۋرورىنىڭ ءبىرىنشى ورىنباسارى تالعات الىباەۆ.
قورىق ديرەكتورىنىڭ ورىنباسارى باۋىرجان ءداۋىتوۆتىڭ ايتۋىنشا, پروكۋرورلىق تەكسەرۋ كەزىندە انىقتالعان زاڭسىز اعاش كەسۋ فاكتىلەرىنىڭ بارلىعى ءولى وتىن, وتىندىق وتىن ساناتىنا جاتادى. بۇل فاكتىلەردى, بولجام بويىنشا, ورماندى ەلدى مەكەندەردىڭ جەرگىلىكتى تۇرعىندارى جاساعان. قازىر بارلىق قولدا بار وتىن كەسۋ فاكتىلەرى تەكسەرىلىپ جاتىر.
ەرتىس ورمانى سالاداعى كادر تاپشىلىعىنا بايلانىستى بىلىكتىلىگى جوق قىزمەتكەرلەردى جۇمىسقا الۋعا ءماجبۇر دەپ ءتۇسىندىردى. ادامدار اۋىلدا جانە از عانا جالاقىعا جۇمىس ىستەگىسى كەلمەيدى. ال بۇرىن ورمان ۇرلىعىمەن اينالىسقان قىزمەتكەرلەر جەكە ىسىندە مۇنداي باعان بار ەكەنىن ەسكەرتپەگەن.