قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتى جالعان مامىلە جاساپ, قاراجاتتى قىلمىستىق جولمەن قولما-قول اقشاعا اينالدىرۋعا قاتىستى ءىستى تەرگەپ, وعان سوت جازا تاعايىندادى, دەپ حابارلايدى Egemen.kz.
قىزىلوردا قالاسىنىڭ تۇرعىنى شىڭعىس اقبولات 2018 جىلى 3 بىردەي جاۋاپكەرشىلىگى شەكتەۋلى سەرىكتەستىگىن قۇرىپ, 2018-2020 جىلدار ارالىعىندا بىرنەشە زاڭسىز مامىلەلەر جاساپ, ورىندالماعان جۇمىستار ءۇشىن جالعان شوت-فاكتۋرالار جازۋمەن اينالىسقان. ءتۇرلى قىزمەت كورسەتەتىن فيرمالاردى وسىنداي ارەكەتكە تارتقان كاسىپكەر ءار مامىلە بويىنشا قولما-قول اقشاعا اينالدىرىلعان سومادان 5-6 پايىز مولشەرىندە سىياقى الىپ وتىرعان. قىزىلوردا وبلىسى بويىنشا مەملەكەتتىك كىرىستەر دەپارتامەنتى ماماندارى ۇسىنعان مالىمەت بويىنشا ش.اقبولاتتىڭ باسقارۋىنداعى «ستل ليميتەد», «نۋرتورگستروي LTD» جانە «كەمەڭگەر» فيرمالارىنىڭ 2018-2020 جىلدارداعى كونتراگەنتتەرمەن ءوزارا ەسەپ سوماسى 1 ملرد 815 ملن 58 مىڭ تەڭگەنى قۇراعان. تولەنبەگەن سالىق تۇرىندە بيۋدجەتكە كەلتىرىلگەن زالال 207 ملن 317 مىڭ تەڭگە بولىپ وتىر.
اتالعان ءىس بويىنشا تاعايىندالعان بىرنەشە سوت-قارجىلىق جانە سوت-بيۋدجەتتىك ساراپتامالار ماماندار قورىتىندىسىن راستاپ, سوتتالۋشىنىڭ كىناسى ءتىنتۋ حاتتامالارىمەن, اشىق جانە جاسىرىن جۇرگىزىلگەن تەرگەۋ ارەكەتتەرىمەن, ىسكە تىركەلگەن قۇجاتتارمەن تولىق دالەلدەندى. قىزىلوردا قالالىق №2 سوتىنىڭ ۇكىمىمەن, اقبولات شىڭعىس قر قك-ءنىڭ 216-بابى 2-بولىگى 1) تارماعىمەن كىنالى دەپ تانىلىپ, وعان 2 (ەكى) جىل مەرزىمگە باس بوستاندىعىنان ايىرۋ جازاسى تاعايىندالدى. دەسە دە, قر-نىڭ «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭىنىڭ 2-بابى 1-تارماعى 2-تارماقشاسىنا سايكەس, اقبولات شىڭعىس باس بوستاندىعىنان ايىرۋ جازاسىنان بوساتىلدى.
ءدال وسىنداي قىلمىستىق ءىس ازامات مۇرات بەكماعانبەتوۆتىڭ ۇستىنەن دە قوزعالدى. ول «مكا پليۋس» جاۋاپكەرشىلىگى شەكتەۋلى سەرىكتەستىگىنە باسشىلىق ەتە وتىرىپ, 2019-2020 جىلدارى بىرنەشە كومپانيا جەتەكشىلەرىمەن كەلىسىمگە كەلۋ ارقىلى, ولاردىڭ تالاپ ەتكەن سوماسىنا ءارتۇرلى تاۋارلاردى ساتىپ, قىزمەت كورسەتىپ, ەسەپ ايىرىسقانى جونىندە جالعان شوت-فاكتۋرالار مەن وعان ءتيىستى قۇجاتتارىن جاساپ بەرىپ, ءتۇرلى مولشەردە سىياقى الىپ وتىرعان. ءتىپتى «مكا پليۋس» جشس-ءنىڭ وسىنداي قىزمەت كورسەتۋ ءۇشىن قىزمەتكەرلەر شتاتى, مۇلكى, قويما ورىندارى مەن وندىرىستىك-تەحنيكالىق بازالارى بولماعان. التى سەرىكتەستىك جالپى سوماسى 233 ملن 809 مىڭ تەڭگەنىڭ جالعان شوت-فاكتۋرالارىن ساتىپ العان. قىزىلوردا وبلىسى بويىنشا مەملەكەتتىك كىرىستەر دەپارتامەنتى ماماندارىنىڭ ەسەبىنە جانە سوت-ساراپتاما قورىتىندىسىنا سايكەس بيۋدجەتكە بارلىعى 73 ملن 367 مىڭ تەڭگە سالىق تولەنبەگەن. سوت شەشىمىمەن م.بەكماعانبەتوۆكە قر قىلمىستىق كودەكسىنىڭ 216-بابى 1-بولىگىمەن ءبىر جىل التى اي مەرزىمگە باس بوستاندىعىن شەكتەۋ جازاسى تاعايىندالىپ, قر قك-ءنىڭ 44-بابى, 1-بولىگىنىڭ تارتىبىمەن بارلىق مەرزىمگە پروباتسيالىق باقىلاۋ بەلگىلەندى.