پاۆلوداردا «سارى-ارقا» قوناقۇيىنىڭ ءبىرىنشى قاباتىندا شىققان تۇتىنگە بايلانىستى 220 ادام, ونىڭ ىشىندە 10 بالا ەۆاكۋاتسيالاندى, دەپ حابارلايدى Egemen.kz.
قالالىق تجد مالىمەتىنشە, ءورت تۋرالى حابارلاما ساعات 03:18-دە تۇسكەن. ورىنعا 5 بىرلىك تەحنيكا, توتەنشە جاعداي دەپارتامەنتىنىڭ 25 قىزمەتكەرى, ءورت ءسوندىرۋ قىزمەتى, جەدەل-قۇتقارۋ جۇمىستارى, مەديتسينا جانە اپاتتار ورتالىعىنىڭ قىزمەتكەرلەرى اتتاندى.
«220 ادام ەۆاكۋاتسيالاندى, ونىڭ 10-ى بالالار. ءورت 03.59-دا وقشاۋلانىپ, 04.06-دا جويىلدى. ءبىر ادام تۇتىننەن ۋلانىپ, پاۆلودارداعى ءبىرىنشى قالالىق اۋرۋحاناعا جەتكىزىلدى. بۇل 1969 جىلى تۋعان ەر ادام», دەپ حابارلادى قالالىق توتەنشە جاعداي دەپارتامەنتىنەن.