سەنات دەپۋتاتتارى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى تۋرالى زاڭ جوباسىن تالقىلادى.
قۇجاتتا جاستاردىڭ جاس مەجەسىن 35 جاسقا دەيىن ۇلعايتۋ, جاستار رەسۋرستىق ورتالىقتارىنىڭ فۋنكتسيالارىن كەڭەيتۋ, مەملەكەتتىك جاستار ساياساتىنىڭ نەگىزگى باعىتتارىنا جاستاردىڭ تسيفرلىق ساۋاتتىلىعىن ارتتىرۋدى جانە ۆولونتەرلىك قىزمەتتى دامىتۋدى قوسۋ, سونداي-اق بالانىڭ ءبىر جارىم جاسقا تولعانعا دەيىنگى كۇتىمى بويىنشا جاردەماقى تولەۋ مەرزىمىن ۇلعايتۋ تۋرالى ماسەلەلەرى قاراستىرىلعان.
دەپۋتاتتار بۇل ەرەجەلەر مەملەكەتتىك جاستار ساياساتى مەن الەۋمەتتىك قامسىزداندىرۋ سالاسىنداعى زاڭنامانى جەتىلدىرۋگە ىقپال ەتەدى دەپ سانايدى.
سەناتورلار كەڭەيتىلگەن وتىرىستىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى.