كريشتيانۋ رونالدۋ پورتۋگاليا باپكەرىنە وكپەلى

فورۆارد ءوزىن الاڭنان تىم ەرتە شىعارىپ جىبەرگەنىنە رەنجۋلى سياقتى. سەبەبى رونالدۋ الەم چەمپيوناتىنداعى بارلىق ءۇش ماتچتا دا وزگە فۋتبولشىمەن اۋىستىرىلعان. گاناعا قارسى (3:2) 88-مينۋتتا, ۋرۋگۆايعا قارسى (2:0)  82-مينۋتتا, وڭتۇستىك كورەياعا قارسى (1:2) ويىننىڭ 65-مينۋتىندا باپكەر ونى الاڭنان شىعارىپ جىبەرگەن. 

پورتۋگاليا فۋتبول فەدەراتسياسى (FPF) جۇلدىزدى ويىنشىنىڭ نارازىلىعىنا نازار اۋدارعىسى كەلمەيدى. 

«الەم چەمپيوناتىنىڭ فينالىنا شىعۋعا ءۇش ويىن قالدى! ءبىز تەك ماتچتارعا نازار اۋدارۋىمىز كەرەك جانە داۋ تۋدىرماۋىمىز قاجەت», دەپ جازىلعان FPF تاراپىنان الىنعان پىكىردە. 

ەسكە سالايىق, رونالدۋ وڭتۇستىك كورەياعا قارسى ويىندا وزگە فۋتبولشىمەن اۋىستىرىلعاندا وتە ەموتسيونالدى تۇردە جاۋاپ بەرگەن بولاتىن. ويىننان كەيىن باپكەر دە, شابۋىلشى دا رونالدۋدىڭ ەموتسيونالدى رەاكتسياسىنا كورەي فۋتبولشىلارىنىڭ ءبىرىنىڭ ارەكەتى سەبەپ بولعانىن ايتقان. 

دەسە دە باپكەر سانتوس كەز كەلگەن داۋلى ماسەلەدە رونالدۋدى قولداپ, ونىڭ مۇددەسىن قورعاپ جۇرەدى. سوعان قاراماستان اتاقتى فۋتبولشىنىڭ باپكەرگە وكپەلى ەكەنى دە جاسىرىن ەمەس. باسقا-باسقا, ءدال كريشتيانۋ ءرونالدۋدىڭ الەم چەمپيوناتىنداعى ماتچتاردا نەگىزگى ۋاقىت اياقتالماستان الاڭدى تاستاپ كەتكىسى كەلمەيتىنى بەلگىلى.