سينوپتيكتەردىڭ مالىمەتىنشە, 28 قاراشا كەشكى ساعات 19:00-دەن باستاپ اباي جانە شىعىس قازاقستان وبلىستارىندا اۋا تەمپەراتۋراسى -30س-تان تومەن بولۋى مۇمكىن, دەپ جازادى Egemen.kz.
وسىعان وراي جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا كەشكى ساعات 19:00-دەن باستاپ جوعارىدا اتالعان وڭىرلەردىڭ بارلىق رەسپۋبليكالىق اۆتوجولدارىندا ديزەلمەن جۇرەتىن جانە قوعامدىق كولىكتەر قوزعالىسى ۋاقىتشا شەكتەلەدى.
سونداي-اق قازاۆتوجول ۇلتتىق كومپانياسى جولاۋشىلاردان مارشرۋتتى الدىن الا تۇزەتۋدى, الىس ساپارعا شىقپاۋدى جانە اۋا-رايى بولجامىن مۇقيات قاداعالاۋدى سۇرايدى.
«شتاتتان تىس جاعداي تۋىنداسا جۇرگىزۋشىلەر مەن جولاۋشىلارعا قازاۆتوجول ۇلتتىق كومپانياسىنىڭ 1403 قىسقا ءنومىرى بويىنشا تاۋلىك بويى جۇمىس جاسايتىن call-ورتالىعىنا حابارلاسۋعا كەڭەس بەرەمىز», دەلىنگەن كومپانيا حابارلاماسىندا.