قاسىم-جومارت توقاەۆ ءوزىنىڭ جاڭا پرەزيدەنتتىك كەزەڭىندەگى العاشقى جارلىعىن اۋىلدى دامىتۋعا ارنايمىن دەدى. وسىعان ەرەكشە قۋاندىم. بۇل – وتە جاقسى باستامالاردىڭ ءبىرى.
اۋىلدى گۇلدەندىرۋ, وركەندەتۋ كەرەك. ءبىز ەلدەگى ۇلكەن قالالاردىڭ ۋربانيزاتسياعا دايىن ەمەستىگىن ءتۇسىنۋىمىز قاجەت. سول سەبەپتەن قالاداعى بارلىق ينفراقۇرىلىم, مادەنيەت ۇيلەرى, جاقسى مەديتسينالىق ورتالىقتارىنىڭ اۋىلدا دا سالىنعانىن قالايمىز.
بىزدە «اۋىل – ەل بەسىگى» دەگەن جوبا بار. بىراق ول جوبا بويىنشا الداعى 5 جىلعا ارناپ سايلاۋعا دەيىن 500-اق (!) ملرد تەڭگە بولىنگەن. بۇگىندە 200 ملرد-قا جۋىعى عانا يگەرىلىپ ۇلگەرگەن. ال الداعى جىلدارعا 1 ترلن تەڭگەدەن استام قاراجات بولىنەتىندىگى ايتىلۋدا. بۇل دەگەن قوماقتى قاراجات.
ادىلەتتى قازاقستانعا سەنەمىن! ول ەشقاشان توقتامايتىن پروتسەسس. بىزگە 7 جىلدان كەيىن دە, 10 جىلدان كەيىن دە ادىلەتتى قازاقستان كەرەك. سوعان اقىرىنداپ قادام باسىپ كەلەمىز.
ەلنۇر بەيسەمباەۆ,
ءماجىلىس دەپۋتاتى