قىس مەزگىلىنىڭ باستالىپ, تولاسسىز قار جاۋىنا بايلانىستى ەلوردانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەيدى. 1 قاراشادان باستاپ قالادان 245 مىڭ تەكشە مەتردەن استام قار شىعارىلدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
قالا كوشەلەرىن قار مەن مۇزدان تازارتۋعا 2 351 جول جۇمىسشىسى جانە 1,2 مىڭنان استام ارنايى تەحنيكا شىقتى.
25 قاراشادان 26 قاراشاعا قاراعان ءتۇنى ەلوردالىق كوممۋنالدىق قىزمەتكەرلەر پوليگوندارعا 30 مىڭ تەكشە مەتردەن استام قار شىعاردى, بۇل 2 189 رەيستى قۇرادى.
قىس مەزگىلىنىڭ باسىنان بەرى استانادان پوليگوندارعا 245 مىڭ تەكشە مەتردەن استام قار شىعارىلدى, بۇل 18,9 مىڭنان استام اۋىر جۇك كولەمىنە تەڭ.