مەملەكەت باسشىسى قاسىم-جومارت توقاەۆ كاسىپكەرلەر تەك سالىق ورگاندارىنىڭ الدىندا عانا ەسەپ بەرەتىنىن ايتتى, دەپ حابارلايدى Egemen.kz.
«باستى مىندەت – ىسكەر ازاماتتارىمىزدىڭ كاسىپكەرلىك رۋحىنا زيانىن تيگىزەتىن جاساندى كەدەرگىلەر مەن شەكتەۋلەردىڭ ءبارىن جويۋ. كاسىپكەرلەر بيزنەسكە جۇرگىزىلەتىن سەبەپسىز تەكسەرۋلەردى ءبىرجولاتا ۇمىتۋى قاجەت. ولار تەك سالىق ورگاندارىنىڭ الدىندا عانا ەسەپ بەرەدى. مەملەكەت پەن بيزنەس – سەنىمدى سەرىكتەستەر», دەدى پرەزيدەنت.
بۇدان سوڭ, ول شاعىن جانە ورتا بيزنەستىڭ دامۋىنا زاڭسىز كەدەرگى كەلتىرەتىندەردىڭ ءبارى زاڭعا سايكەس قاتاڭ جاۋاپقا تارتىلاتىنىن ايتتى.
ء«بىز اۋقىمدى يندۋستريالاندىرۋدى, ينفراقۇرىلىمداردى سالۋدى جانە جاڭعىرتۋدى قولعا الامىز. كەڭ بايتاق ەلىمىزدىڭ ءار ءوڭىرىنىڭ دامۋىنا تىڭ سەرپىن بەرۋ ماڭىزدى», دەدى مەملەكەت باسشىسى.