حالىق تاڭداۋى – سەنىمدى كوشباسشى

ورتالىق سايلاۋ كوميس­سيا­سى­نىڭ توراعاسى نۇرلان ءابدى­روۆتىڭ مالى­مەتىنشە, قاسىم-جومارت توقاەۆقا 6 ملن 456 مىڭ 392 سايلاۋشى داۋىس بەرگەن. «بارىنە قارسىمىن» باعانىن 460 484 (5,8%) سايلاۋشى تاڭداعان. جيگۋلي دايراباەۆقا – 271 641 (3,42 پايىز), قاراقات ابدەنگە – 206 مىڭ 206 (2,6 پايىز), مەيرام قاجىكەنگە – 200 907 (2,53 پايىز), نۇرلان اۋەسباەۆقا – 176 116 (2,22 پايىز) جانە سالتانات تۇر­سىنبەكوۆاعا 168 731 (2,12 پايىز) داۋىس بەرىلگەن.

«سايلاۋدىڭ الدىن الا قو­رى­تىندىلارى رەسمي كەلىپ تۇس­كەن حاتتامالارمەن راستالدى. قازاقستان رەسپۋبليكاسىنىڭ سايلاۋ تۋرالى كونستيتۋتسيالىق زاڭىنىڭ 9-بابى 1-تارماعىنا, 65-بابىنا سايكەس, داۋىس بەرۋگە قاتىسقان سايلاۋشىلاردىڭ 50 پايىزدان استامىنىڭ داۋىسىن ال­عان كانديدات رەسپۋبليكا پرە­زي­دەنتى بولىپ سانالادى. وسى­لايشا, 2022 جىلعى 20 قارا­شاداعى كەزەكتەن تىس سايلاۋدا قاسىم-جومارت كەمەل ۇلى توقاەۆ قازاقستان رەسپۋبليكاسىنىڭ پرەزيدەنتى بولىپ سايلاندى», دەدى نۇرلان ءابدىروۆ.

ءاۋ باستا سايلاۋشىلار سانى 11 ملن 953 مىڭ 465 ادامدى قۇرا­عانى بەلگىلى. دەسە دە 8 ملن 300 مىڭ 46 ادام نەمەسە 69,44 پايىزى داۋىس بەرۋگە ارنال­عان بيۋللەتەندەردى تولتىر­عان. داۋىس بەرۋ كۇنى پرەزيدەنت­تىككە كانديداتتاردىڭ 11 مىڭ­نان اسا سەنىم بىلدىرگەن ادام­دارى, شەتەلدىك حالىقارالىق ۇيىم­داردىڭ 641 بايقاۋشىسى, ساياسي پار­تيالاردىڭ 15,5 مىڭنان اسا باي­قاۋشىسى, قوعامدىق بىرلەستىك­تەردەن 30 مىڭنان اسا بايقاۋ­شى سايلاۋدى باقىلاعان. سايلاۋ ۋچاس­كەلەرىندە 1 225 قازاقستان­دىق باق وكىلى, 23 ەلدىڭ 41 شە­تەلدىك باق-تىڭ اككرەديتتەلگەن ءجۋرناليسى اقپارات تاراتقان.

نۇرلان ءابدىروۆ پرەزيدەنت سايلاۋى ۇلتتىق زاڭناما مەن حالىق­ارالىق مىندەتتەمەلەرگە ساي جۇزەگە اسىرىلعانىن ايتتى.

«سايلاۋدى ازىرلەۋ مەن وتكى­زۋدى ۇيىمداستىرۋ قازاقستان رەس­پۋبليكاسىنىڭ ۇلتتىق زاڭنا­ماسىنا جانە حالىقارالىق مىندەتتەمەلەرىنە, اشىقتىق جانە ايقىندىق قاعي­داتتارىنا سايكەس جۇزەگە اسىرىلدى. ۋچاسكەلەردە مۇ­گەدەكتىگى بار ازا­ماتتاردىڭ داۋىس بەرۋى ءۇشىن ىڭعايلى جاع­داي جاسالدى. كورۋ قابىلەتى نا­شار ازاماتتار ءۇشىن العاش رەت سايلاۋ بيۋللەتەندەرىنە برايل قارپىمەن ترافارەتتەر جاسالىپ, ونىمەن بارلىق سايلاۋ ۋچاسكەلەرى قامتاماسىز ەتىلدى», دەدى ن.ءابدىروۆ.

داۋىس بەرۋ كۇنى سايلاۋ راسىمدەرىن كانديداتتاردىڭ 11 مىڭنان استام سەنىم بىلدىرگەن ادامى, 45 مىڭنان استام ۇلتتىق جانە حالىقارالىق بايقاۋشى باقىلادى. «ولاردىڭ قىزمەتى سايلاۋشىلار مەن سايلاۋ پرو­تسەسىنە قاتىسۋشىلاردىڭ قۇقىق­تارىن قامتاماسىز ەتۋگە وڭ ىق­پال ەتتى. بايقاۋشىلار مەن ساراپ­شىلار سايلاۋشىلاردىڭ ءوز ازا­ماتتىق ۇستانىمى مەن ەلەكتو­راتتىق بەلسەندىلىگىن تانى­تىپ قانا قويماي ەلدىڭ مۇد­دەسى مەن بولاشاعى جولىن­دا ساياسي جاۋاپكەرشىلىك تانىت­قانىن, سونداي-اق ساياسي ناۋقان­نىڭ جوعارى دەڭگەيدە ۇيىمداس­تىرىلعانىن, سايلاۋ كوميسسيالارى مۇشەلەرىنىڭ كاسىبي دايارلىعىن, تەحنولوگيالىق جاڭالىقتاردىڭ ەنگىزىلگەنىن جانە سايلاۋ ۋچاسكەلەرىنىڭ تيىسىنشە قامتىلعانىن ەرەكشە اتاپ كورسەتتى», دەدى نۇرلان ءابدىروۆ.