وقۋ-اعارتۋ مينيسترلىگىنە قاراستى «اقپاراتتىق-تالداۋ ورتالىعىنىڭ» اتاۋى «ا. بايتۇرسىن ۇلى اتىنداعى ءبىلىمدى زەرتتەۋ مەن باعالاۋدىڭ ۇلتتىق ورتالىعى» اق دەپ اتالاتىن بولدى. بۇل تۋرالى «اشىق» نقا پورتالىندا جاريالانعان ۇكىمەت قاۋلىسىندا كورسەتىلگەن, دەپ حابارلايدى Egemen.kz.
«قازىر «اقپاراتتىق-تالداۋ ورتالىعى» اق «ۇلتتىق ءبىلىم بەرۋ دەرەكتەر قورى» اج كورسەتكىشتەرى نەگىزىندە ءبىلىم بەرۋ سالاسىنداعى زەرتتەۋ قىزمەتىمەن اينالىسادى, تالداۋ جۇمىستارىن جۇرگىزەدى جانە ءبىلىم بەرۋ جۇيەسىنىڭ احۋالى مەن دامۋى تۋرالى ۇلتتىق باياندامانى ازىرلەيدى. ورتالىق سونىمەن قاتار قازاقستاندا ءبىلىم ساپاسىن باعالاۋدىڭ حالىقارالىق سالىستىرمالى زەرتتەۋلەرىنە (PISA, PBTS, TALIS, TIMSS, ICILS, PIRLS) قاتىسۋى ارقىلى ءبىلىم ساپاسىن باعالاۋدى جۇزەگە اسىرادى. وسىعان بايلانىستى ورتالىقتىڭ قىزمەتىن ءوز اتاۋىندا كورسەتۋ ماقساتىندا, سونداي-اق احمەت بايتۇرسىن ۇلىنىڭ اعارتۋ ىسىندەگى تاريحي ءرولىن ەسكەرە وتىرىپ, ورتالىقتى اتاۋىن «ا. بايتۇرسىن ۇلى اتىنداعى ءبىلىم بەرۋدى زەرتتەۋ جانە باعالاۋ ۇلتتىق ورتالىعى» اكتسيونەرلىك قوعامى دەپ وزگەرتۋ ۇسىنىلادى», دەلىنگەن قاۋلىدا.
جوبانى ىسكە اسىرۋ ءۇشىن رەسپۋبليكالىق بيۋدجەتتەن قوسىمشا قاراجات تالاپ ەتىلمەيدى.
قاۋلىنى اشىق تالقىلاۋ 5 جەلتوقسانعا دەيىن جالعاسادى.