سايلاۋ كۇنى تۇركىستان وبلىسى بويىنشا 90 نارەستە دۇنيە ەسىگىن اشتى. وبلىستىق قوعامدىق دەنساۋلىق باسقارماسىنىڭ حابارلاۋىنشا, 46 ەر بالا, 44 قىز, ونىڭ ىشىندە 2 ەگىز دۇنيەگە كەلدى. ەگىزدەردىڭ ءبىرى – قازىعۇرت اۋدانىندا, ەكىنشىسى تۇلكىباس اۋدانىندا تۋعان. دارىگەرلەردىڭ حابارلاۋىنشا, انالار مەن سابيلەردىڭ دەنساۋلىعى جاقسى, دەپ جازادى Egemen.kz.
تۇركىستان ءوڭىرى تۇرعىندارىنىڭ ساياسي ناۋقانعا دەگەن بەلسەندىلىگى جوعارى. وبلىس بويىنشا 919 سايلاۋ ۋچاسكەسى بار. ونىڭ 50-ءى وبلىس ورتالىعىندا ورنالاسقان. سايلاۋ ۋچاسكەلەرىنىڭ 893-ءى ازاماتتاردىڭ تۇرعىلىقتى جەرى بويىنشا جانە 26-ى ۋاقىتشا بولۋ ورىندارىنداعى سايلاۋ ۋچاسكەلەرى. تاڭسارىدەن كەلىپ تاڭداۋ جاساعانداردىڭ اراسىندا جاستار دا قاريالار دا از ەمەس.
مىسالى, سايرام اۋدانىندا ەڭ بەلسەندى داۋىس بەرۋشىلەردىڭ ءبىرى 100 جاستاعى سادىق قۋاتبەكوۆ اقساقال N560 سايلاۋ ۋچاسكەسىنە نەمەرەلەرىن ەرتە كەلىپتى. وبلىستا 1 163 860 سايلاۋشى داۋىس بەرەدى دەپ جوسپارلانعان. ولاردىڭ باسىم بولىگى تۇسكە دەيىن ءوز تاڭداۋىن جاساپ ۇلگەردى. وبلىستاردىڭ, رەسپۋبليكالىق ماڭىزى بار قالالاردىڭ, ەلوردانىڭ كوميسسيالارى ۇسىنعان دەرەكتەرگە سايكەس, 20 قاراشا ساعات 14.05-تەگى جاعداي بويىنشا تىزىمگە ەنگىزىلگەن ازاماتتاردىڭ تۇركىستان وبلىسى بويىنشا – 76,61 % -ى بيۋللەتەن العان.