ىشكى ىستەر ءمينيسترىنىڭ ورىنباسارى سانجار ءادىلوۆ الماتىداعى ءال-فارابي داڭعىلىندا بولعان Zeekr اۆتوكولىگى قاتىسقان قايعىلى جول اپاتىنا قاتىستى تەرگەۋدىڭ قاشان اياقتالاتىنىن مالىمدەدى, دەپ حابارلايدى Egemen.kz.
ونىڭ ايتۋىنشا, الماتى قالاسىندا بولعان قايعىلى جول-كولىك وقيعاسىنا قاتىستى تەرگەۋ ءىسى سوڭعى كەزەڭگە جەتكەن. قاجەتتى ساراپتامالاردىڭ بارلىعى دەرلىك اياقتالىپ, نەگىزگى دالەلدەمەلىك بازا جينالعان.
ۆەدومستۆو دەرەگىنە سايكەس, ءىس بويىنشا تەرگەۋ الداعى ەكى اپتا ىشىندە اياقتالۋى مۇمكىن.
ايتا كەتەيىك, وقيعا 21 ناۋرىز كۇنى ءال-فارابي داڭعىلى بويىندا بولعان. جول-كولىك وقيعاسى كەزىندە قارسى باعىتقا شىققان Zeekr كولىگى Mercedes اۆتوكولىگىمەن سوقتىعىسقان. اپات سالدارىنان كولىكتەگى ءۇش ادام وقيعا ورنىندا قازا تاپقان.
قازىرگى ۋاقىتتا Zeekr جۇرگىزۋشىسى تەرگەۋ يزولياتورىندا. بۇعان دەيىن ول مەديتسينالىق مەكەمەدە كۇزەتپەن بولعانى حابارلانعان.
زاڭ بويىنشا, بۇل ءىس بويىنشا كىنالى دەپ تانىلعان جاعدايدا 8 جىلعا دەيىن باس بوستاندىعىنان ايىرۋ جازاسى قاراستىرىلۋى مۇمكىن.
ايتا كەتەيىك, ىشكى ىستەر ءمينيسترى ەرجان سادەنوۆ ءال-فارابي داڭعىلىندا بولعان جول اپاتىنا بايلانىستى جاساعان مالىمدەمەسىندە بىرنەشە پوليتسيا باسشىسىنىڭ قىزمەتىنەن بوساتىلعانىن مالىمدەگەن بولاتىن.