قورعانىس مينيسترلىگى مەرزىمدى اسكەري قىزمەت وتكەرگەن ازاماتتارعا ارنالعان مەملەكەتتىك ءبىلىم بەرۋ گرانتتارى يەگەرلەرىنىڭ ءتىزىمىن جاريالادى, دەپ حابارلايدى Egemen.kz.
ىرىكتەۋ «سارباز 2.0» تسيفرلىق جۇيەسى ارقىلى جۇرگىزىلدى. ناتيجەسىندە 2026 جىلعى ساۋىردە زاپاسقا شىعارىلعان 1000-نان استام ازامات جوعارى وقۋ ورىندارىندا تەگىن ءبىلىم الۋ مۇمكىندىگىنە يە بولدى.
گرانتتىق قارجىلاندىرۋ: سان ساپاعا قاشان اينالادى؟
2023 جىلى ىسكە قوسىلىپ, زاڭنامالىق تۇرعىدا بەكىتىلگەن جوبا جوو-عا ۇبت تاپسىرماي, اڭگىمەلەسۋ ناتيجەسى بويىنشا تۇسۋگە مۇمكىندىك بەرەدى. جاۋىنگەرلىك دايارلىقتا ۇزدىك ناتيجە كورسەتكەندەر جاتاقحانامەن جانە ستيپەنديامەن قامتاماسىز ەتىلەدى.
ۇزدىك ساربازدارعا ءبىلىم گرانتتارى بەرىلدى
گرانتتاردىڭ ءبولىنۋى:▪️ قورعانىس مينيسترلىگى – 492▪️ ۇلتتىق ۇلان – 493▪️ ۇقك شەكارا قىزمەتى – 112▪️ تجم – 28▪️ مەملەكەتتىك كۇزەت قىزمەتى – 29
«سارباز 2.0» – جاستار ءۇشىن ءبىلىم الۋعا جانە كاسىبي دامۋعا جول اشاتىن ءتيىمدى الەۋمەتتىك مۇمكىندىك.
گرانت يەگەرلەرىنىڭ تولىق ءتىزىمىن مىنا سىلتەمە ارقىلى كورۋگە بولادى.