ەلىمىزدە تاسجولداردىڭ جاي-كۇيىن باقىلاۋعا ارنالعان جاڭا بۋىن ۇشقىشسىز ۇشاتىن اپپارات سىناقتان ءوتتى. DJI Matrice 400 درونىنىڭ لازەرلىك ليدارمەن جابدىقتالعان مۇمكىندىكتەرى اقمول – ۆوزدۆيجەنكا – تالاپكەر وبلىستىق ماڭىزى بار تاسجولىنىڭ ۋچاسكەسىندە تەكسەرىلدى, دەپ جازادى Egemen.kz.
قۇرىلعىنىڭ تەحنولوگيالىق بازاسى تەكسەرۋ پروتسەسىن ايتارلىقتاي جەدەلدەتۋگە مۇمكىندىك بەرەدى. LiDAR جانە mmWave-رادارىن پايدالانۋ ارقىلى جولدىڭ بەتكى قاباتى سكانەرلەنىپ, تەگىس ەمەس جەرلەر مەن زاقىمدانۋلار ناقتى ۋاقىت رەجيمىندە تىركەلەدى. دەرەكتەردى جيناۋ پروتسەسى بارىنشا اۆتوماتتاندىرىلعان. وپەراتور ۇشۋ ايماعىن بەلگىلەگەننەن كەيىن درون مارشرۋتتى وزدىگىنەن قۇراستىرادى. جۇيە O4 Enterprise Enhanced دەرەكتەردى بەرۋ تەحنولوگياسىمەن جابدىقتالعان. بۇل ارقىلى تۇراقتى بايلانىستى قامتىلىپ, جاساندى ينتەللەكت ەلەمەنتتەرىمەن ءتيىمدى جۇمىس ىستەيدى. سونداي-اق ينتەللەكتۋالدى انىقتاۋ, كورىنەتىن جانە جىلۋ ارقىلى ءتۇسىرىلىم جاساۋ, سونداي-اق AR-ۆيزۋاليزاتسيا فۋنكتسيالارى قولجەتىمدى. بۇل كۇردەلى مەتەورولوگيالىق جاعدايلاردا جانە كورۋ مۇمكىندىگى تومەن كەزدە دە ءتيىمدى جۇمىس ىستەۋگە مۇمكىندىك بەرەدى.
استانادا تازالىقتى باقىلاۋعا دروندار جۇمىلدىرىلادى
«درون قاتتى جەل جاعدايلارىنا بەيىمدەلگەن, بۇل اشىق دالا وڭىرلەرى ءۇشىن اسا ماڭىزدى. وسىنداي تەحنولوگيالاردى ەنگىزۋ جول قوزعالىسى قاۋىپسىزدىگىن ارتتىرۋ جانە تاسجولداردىڭ ساپاسىن جاقسارتۋ ءۇشىن ستراتەگيالىق ماڭىزدى قادام رەتىندە قاراستىرىلادى. ەرتە دياگنوستيكا اقاۋلاردى قاۋىپتى دەڭگەيگە جەتپەي تۇرىپ جويۋعا مۇمكىندىك بەرەدى. قازىر بۇل تەحنولوگيانى تاسجولداردىڭ جاي-كۇيىن كەشەندى دياگنوستيكالاۋ ءۇشىن قولدانۋ مۇمكىندىگى قاراستىرىلىپ جاتىر. ول اقاۋلاردى اۆتوماتتى تۇردە انىقتاپ قانا قويماي, ولاردىڭ كولەمىن دە ءدال باعالاۋعا مۇمكىندىك بەرەدى», دەلىنگەن كولىك مينيسترلىگى تاراتقان حابارلامادا.
ينتەرنەتسىز دە ۇشادى: بولاشاق وفيتسەرلەر دروننىڭ كومەگىمەن بارلاۋ جاسايدى