بۇگىن استانادا ۇيلەنىپ, وتباسى قۇرعان جاس جۇبايلار ازاماتتىق مىندەتىن ورىنداۋ ماقساتىندا №127 سايلاۋ ۋچاسكەسىنە بارىپ, داۋىس بەردى, دەپ حابارلايدى Egemen.kz.
الىشەر ايتپاەۆ پەن دامەلى داۋرەنقىزى بۇگىن ۇيلەنىپ جاتىر. وزدەرى ءۇشىن ماڭىزدى كۇندە جاس جۇبايلار ەل بولاشاعى ءۇشىن تاڭداۋ جاساعان.
«كوڭىل كۇيىمىز وتە كەرەمەت. سايلاۋدا داۋىس بەرۋ - ءار قازاقستاندىقتىڭ ازاماتتىق مىندەتى. سەبەبى بۇل - مەملەكەتىمىزدىڭ بولاشاعى ءۇشىن جاسالاتىن تاڭداۋ. تويىمىز دا بۇگىن وتەدى. بىراق بۇنى الدىن الا جوسپارلاعان جوقپىز, سايلاۋ كۇنى مەن ۇيلەنۋ تويىمىز ءبىر كۇنگە سايكەس كەلىپ قالدى. بىراق كەشە سايلاۋعا مىندەتتى تۇردە قاتىسامىز دەپ شەشتىك», دەيدى جاس وتباسى.