2023 جىلدىڭ ءبىرىنشى جارتىجىلدىعىندا ەلىمىزدە تسيفرلىق اسكەري بيلەت ەنگىزىلەدى. بۇل تۋرالى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين مالىمدەدى, دەپ حابارلايدى Egemen.kz.
روستيسلاۆ كونياشكين اتاپ وتكەندەي, قازىر «ۇات» اق قورعانىس مينيسترلىگىمەن بىرلەسىپ تىركەۋ كۋالىگى مەن اسكەري بيلەتتى تسيفرلىق فورماتقا كوشىرۋ بويىنشا جۇمىس جۇرگىزۋدە.
«قازىر ءبىز اسكەري بيلەتتەردى تسيفرلاندىرۋعا قاتىستى جۇمىس جۇرگىزىپ جاتىرمىز. مەنىڭ ويىمشا ەلەكتروندى قۇجات كەلەسى جىلدىڭ ءبىرىنشى جارتىجىلدىعىندا قولجەتىمدى بولادى», دەدى روستيسلاۆ كونياشكين.
ونىڭ ايتۋىنشا, قورعانىس مينيسترلىگىنىڭ اسكەري ەسەپكە الۋ قۇجاتتارىن تسيفرلاندىرۋ بويىنشا اۋقىمدى جوسپارلارى بار.
ەسكە سالا كەتسەك, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين تولقۇجاتتىڭ eGov Mobile ءموبيلدى قوسىمشاسىندا قولجەتىمدى بولعانىن حابارلادى. ازىرگە تسيفرلىق پاسپورتتى جەكە باسىن سايكەستەندىرۋ ءۇشىن قازاقستاندا عانا پايدالانۋعا بولادى.