24 تونناعا جۋىق الكوگولدى ساتۋعا ارەكەتتەنگەن اقمولا وبلىسىنىڭ تۇرعىنى سوتتالدى, دەپ حابارلايدى Egemen.kz.
اقمولا وبلىسى بويىنشا قارجى مونيتورينگ اگەنتتىگى الكوگول ونىمدەرىن وتكىزۋ ماقساتىندا زاڭسىز ساتىپ الۋ, سونداي-اق زاڭسىز كاسىپكەرلىك قىزمەتتى جۇزەگە اسىرۋ فاكتىلەرى بويىنشا سوتقا دەيىنگى تەرگەۋدى اياقتادى.
«وقيعا بولعان جەردى قاراۋ كەزىندە اۆتوكولىك تىركەمەسىنەن ءسپيرتى بار سۇيىقتىق تولتىرىلعان ارقايسىسىنىڭ كولەمى 1000 ليتر بولاتىن 24 پلاستيك ىدىس تابىلدى. اقمولا وبلىسى بويىنشا مەملەكەتتىك كىرىستەر دەپارتامەنتىنىڭ قورىتىندىسىنا سايكەس, تاركىلەنگەن سۇيىقتىقتىڭ جالپى قۇنى 27,5 ميلليون تەڭگەدەن اسادى», دەلىنگەن ۆەدومستۆو حابارلاماسىندا.
اتالعان فاكتى بويىنشا, سوت ۇكىمى باتجانوۆقا ا.ت. قىلمىستىق جولمەن تابىلعان م ۇلىكتى تاركىلەپ, 1 جىلعا باس بوستاندىعىنان شەكتەۋ جازاسىن تاعايىندادى.