سىرتقى ىستەر مينيسترلىگى كەزەكتەن تىس پرەزيدەنت سايلاۋىندا قازاقستاننىڭ شەت ەلدەردەگى مەكەمەلەرى جانىنداعى سايلاۋ ۋچاسكەلەرىنىڭ قىزمەتىن قامتاماسىز ەتۋ جونىندەگى جۇمىستى جالعاستىرىپ جاتىر, دەپ حابارلايدى Egemen.kz.
«الەمنىڭ 53 ەلىندەگى 68 سايلاۋ ۋچاسكەسىندە 12 مىڭنان استام قازاقستاندىق داۋىس بەرەدى دەپ كۇتىلۋدە», دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءباسپاسوز ءماسليحاتى بارىسىندا.
ول شەت ەلدەردە داۋىس بەرۋ جەكسەنبى, 20 قاراشا كۇنى ەلدىڭ جەرگىلىكتى ۋاقىتى بويىنشا 07:00-دەن 20:00-گە دەيىن وتكىزىلەتىنىن ءتۇسىندىردى.
«شەتەلدە داۋىس بەرۋ پروتسەسىن ۋاقىتىلى جانە تولىققاندى دايىنداۋ ءۇشىن قازاقستان ازاماتتارىنان جاقىن ماڭداعى سايلاۋ ۋچاسكەسىنە الدىن الا حابارلاسۋدى جانە سايلاۋشىلار تىزىمىنە ەنگىزۋ ءۇشىن دەرەكتەردى ۇسىنۋدى سۇرايمىز», دەپ قوستى ا. سمادياروۆ.