فۋتزالدان الەم چەمپيوناتىنىڭ ىرىكتەۋ ءتۋرنيرى اياسىندا چەرنوگوريامەن وتەتىن كەزدەسۋگە قازاقستان قۇراماسىنىڭ باس باپكەرى پاۋلو ريكاردو كاكا شاقىرعان ويىنشىلار بەلگىلى بولدى.
اتاپ ايتساق, قاقپاشىلار – يگيتا («قايرات», الماتى) مەن نۇرالەم بايدوللا («راحمەت», اقتوبە). قاپتالداعى ويىنشىلار – دۋگلاس, داۋرەن نۇرعوجين, شىڭعىس ەسەنامانوۆ, داۋرەن تۇرساعۇلوۆ, البەرت اقبالىقوۆ, ەدسون, ءبىرجان ورازوۆ («قايرات», الماتى), ازات ۆاليۋللين, ءابدىراسۋل ءابدىماناپ ۇلى («ايات», رۋدنىي), ارنولد كناۋب, رايىمبەك جۇما («كاسپي», «اقتاۋ»), باتىرحان كەنجەعالي («اقتوبە») جانە نۇربەك قابىلباەۆ («راحمەت», اكتوبە).
ەستەرىڭىزگە سالا كەتەيىك, اتالعان ماتچ 9 قاراشادا ساعات 20:00-دە الماتىداعى بالۋان شولاق اتىنداعى سپورت سارايىندا وتەدى. ەگەر جەرلەستەرىمىز وسى ويىندا جەڭىسكە جەتسە, وندا ەليتالىق كەزەڭدە كۇش سىناسۋ قۇرمەتىنە يە بولادى.