سينوپتيكتەردىڭ مالىمەتىنشە, 7 قاراشادا ەلىمىزدىڭ بىرقاتار وبلىسىندا تۇمان, قاتتى جاۋىن-شاشىن كۇتىلەدى, دەپ حابارلايدى Egemen.kz.
اتاپ ايتقاندا, كۇندىز سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە, شىعىسىندا كوكتايعاق, تومەن قارلى بوران كۇتىلەدى. باتىستان ەكپىنى 15-20 م/س جەل سوعادى. پەتروپاۆلدا كۇندىز قار جاۋىپ, كوكتايعاق بولادى.
اقتوبە وبلىسىنىڭ سولتۇستىگى مەن شىعىسىندا تۇمان كۇتىلەدى.
باتىس قازاقستان وبلىسىنىڭ باتىسىندا, سولتۇستىگىندە تۇمان بولادى. ورالدا تۇندە جانە تاڭەرتەڭ تۇمان كۇتىلەدى.
الماتى وبلىسىنىڭ وڭتۇستىگىندە, ورتالىعىندا جانە تاۋلى ايماقتارىندا تۇمان بولادى. كۇننىڭ سوڭىندا وڭتۇستىكتە جانە وبلىس ورتالىعىندا وڭتۇستىك-باتىستان ەكپىنى 15-20 م/س جەل سوعادى. الماتى, قوناەۆ قالالارىندا 7 قاراشادا تۇندە جانە تاڭەرتەڭ تۇمان كۇتىلەدى.
جەتىسۋ وبلىسىندا, تالدىقورعاندا 7 قاراشاعا قاراعان ءتۇنى تۇمان بولادى.
تۇركىستان وبلىسىنىڭ تاۋلى جانە تاۋ بوكتەرىندەگى ايماقتارىندا قاتتى جاڭبىر جاۋادى. سولتۇستىكتە, وبلىستىڭ تاۋلى ايماقتارىندا تۇمان بولادى. شىمكەنتتە تاڭەرتەڭ جانە كۇندىز قاتتى جاڭبىر جاۋادى دەپ كۇتىلۋدە.
جامبىل وبلىسىنىڭ وڭتۇستىك-باتىسىندا, سولتۇستىگىندە قاتتى جاڭبىر, تاۋلى ايماقتاردا قاتتى جاۋىن-شاشىن (جاڭبىر, قار) بولادى, 8 قاراشادا تاۋلى ايماقتاردا قاتتى جاۋىن-شاشىن (جاڭبىر, قار) كۇتىلەدى. سولتۇستىك-شىعىستان سوعاتىن جەل وڭتۇستىك-باتىسقا اۋىسادى, وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى ايماقتاردا 15-20 م/س جەل سوعادى.
قىزىلوردا وبلىسىنىڭ سولتۇستىگىندە جانە پاۆلودار وبلىسىنىڭ سولتۇستىگىندە تۇمان كۇتىلەدى.
ۇلىتاۋ وبلىسىنىڭ سولتۇستىگىندە, وڭتۇستىگىندە جانە قاراعاندى وبلىسىنىڭ وڭتۇستىگىندە, شىعىسىندا تۇمان, كوكتايعاق بولادى.