استانا. 27 مامىر. ەۋرازيالىق ەكونوميكالىق وداق ەلدەرىنىڭ قارجى نارىقتارىندا قىزمەتتى جۇزەگە اسىرۋ تۋرالى كەلىسىمگە جىل سوڭىنا دەيىن قول قويىلادى. بۇل تۋرالى
ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى ءمينيسترى تيمۋر سۇلەيمەنوۆ مالىمدەدى.
Astana Forum blog سايتىنىڭ حابارلاۋىنشا, ول قازىر ىشكى راسىمدەۋ جۇمىستارىنىڭ ءجۇرىپ جاتقانىن ايتقان. «ەاەو ەلدەرىنىڭ قارجى نارىقتارىندا قىزمەتتى جۇزەگە اسىرۋ تۋرالى كەلىسىمگە 2014 جىلدىڭ سوڭىنا دەيىن قول قويىلادى. ءبىز قارجى نارىقتارىندا قىزمەتتى جۇزەگە اسىرۋعا قويىلاتىن تالاپتار تۋرالى كەلىسىم جاساپ قويدىق, ول ىشكى مەملەكەتتىك راسىمدەردەن وتۋدە. ونىمەن قول قويىلعاننان كەيىن, 2015 جىلدان باستاپ جۇمىس ىستەي باستايمىز», - دەدى سۇلەيمەنوۆ.
ونىڭ ايتۋىنشا, اتالعان كەلىسىم 2022 جىلعا دەيىن قارجىلىق رەتتەۋدىڭ ءار ءتۇرلى اسپەكتىلەرىن ۇيلەستىرۋدى كوزدەيدى جانە ورتاق قارجى نارىعىن قۇرۋعا باعىتتالعان.
كونفەرەنتسيا بارىسىندا ەاەو ەلدەرى اراسىنداعى اقپارات الماسۋ تۋرالى كەلىسىم 2015 جىلعا قاراي كۇشىنە ەنەتىنى بەلگىلى بولدى. ول اكىمشىلىك ىنتىماقتاستىق ءۇشىن قۇقىقتى نەگىزدى قامتاماسىز ەتپەك.
مۇرات ايتقوجا.
دەرەككوز: Astana Forum blog.
فوتو: horoshienovosti.info.