باتىس قازاقستان وبلىسى اۋماعىنداعى بارلىق سايلاۋ ۋچاسكەلەرى ەڭبەك جانە حالىقتى الەۋمەتتىك قورعاۋ مينيسترلىگىنىڭ قول جەتكىزۋ كارتاسىنا ەنگىزىلگەن, دەپ حابارلايدى Egemen.kz.
وبلىستىق اۋماقتىق سايلاۋ كوميسسياسىنىڭ توراعاسى عايسا قاپاقوۆ كەزەكتەن تىس پرەزيدەنت سايلاۋىن وتكىزۋگە بايلانىستى كوميسسيالاردىڭ دايىندىق جۇمىستارىن ايتتى.
«قازىر كوميسسيا مۇشەلەرى وقىتىلىپ جاتىر. 6 قاراشاعا دەيىن قوسا العاندا 2 مىڭنان استام كوميسسيا مۇشەسى وقىتىلادى. وسك-دا وقۋدان وتكەن سەرتيفيكاتتالعان ترەنەرلەر لەكتور رەتىندە تارتىلدى. وبلىستىق اۋماقتىق سايلاۋ كوميسسياسىنىڭ كۇنتىزبەلىك جوسپارى جاسالىپ, جاۋاپتى تۇلعالار انىقتالدى. 178 سايلاۋ ۋچاسكەسىندە «ەلەكتروندىق ۇكىمەت» پورتالىندا ازاماتتاردىڭ تىركەلگەن جەرى بويىنشا مالىمەتتەردى تەكسەرۋدىڭ ونلاين قىزمەتى ورناتىلادى», دەدى عايسا قاپاقوۆا.