استانا. 27 مامىر. كوكشەتاۋدىڭ مينەرالدى تابيعي سۋى سىرتقى نارىقتا باسەكەگە قابىلەتتى ەكەنىن كورسەتتى. بۇل تۋرالى «24kz» حابارلادى.
كوكشەتاۋداعى مينەرالدى سۋ زاۋىتى رەسەيدىڭ 5 وبلىسىنا جەتكىزىلۋدە. الداعى ۋاقىتتا ەلىمىزدىڭ بۇل ءونىمى ەۋرازيالىق ەكونوميكالىق وداق كەڭىستىگى نارىعىن قامتىماق.
زاۋىتتىڭ سۋلارى ومسك, نيجني نوۆگورود, سانك-پەتەربۋرگ, نيجنەۆارتوۆسك قالالارىندا كوپتەپ ساتىلۋدا. بۇل ونىمدەردىڭ ىشىندە ءتاتتى سۋسىندار, گازدالعان الكوگولسىز ىشىمدىكتەر, سالقىن شاي بار.
مينەرالدى سۋ زاۋىتىنىڭ پرەزيدەنتى الەكساندر سامويلوۆ: «كەدەندىك وداق مەملەكەتتەرى اراسىندا قازاقستاندىق ءونىمنىڭ باسەكەلەستىگىن ارتتىرۋ ءۇشىن الدىمەن تۇتىنۋشىلاردىڭ جۇرەگىن جاۋلاي ءبىلۋ كەرەك. ءونىمنىڭ ساپالىلىعى مەن ارتۇرلىلىگى ەكسپورتتىڭ سۇرانىسىن ارتتىرادى.
تازا تابيعي سۋدىڭ ساپاسىن جوعالتپاۋ ءۇشىن جەر قويناۋى دا ءجىتى زەرتتەلىپ, جاڭا شيكىزات قورلارى اشىلۋدا. بولاشاقتا كوكشەتاۋدىڭ سۋىن عارىش ستانسالارىندا قولدانۋ جوسپار دا بار», – دەدى.
كاسىپورىننىڭ ۆيتسە-پرەزيدەنتى ەۆگەني پياتوۆتىڭ ايتۋىنشا, اتالعان كاسىپورىن 1991 جىلدان باستاپ كوپتەگەن عىلىمي-زەرتتەۋ ينستيتۋتىمەن بىرلەسىپ جۇمىس ىستەيدى. تابيعي سۋدىڭ ساپاسىن ۇستاپ تۇرۋ ءۇشىن گەرمانيانىڭ فرەزەنيۋسا, ۋكراينانىڭ ودەسسا جانە رەسەيدىڭ كۋرورتولوگتارىمەن عىلىمي زەرتتەۋ باعىتىندا كەڭەسىپ وتىرادى ەكەن. قازىر وتاندىق كاسىپورىن ەۋرازيالىق ەكونوميكالىق وداق نارىعىنا شىعۋعا دايىن. تاۋار شىعارۋشى تەحنولوگيالاردى جاڭالاۋمەن قاتار, جۇمىسشىلاردىڭ دا كاسىبي بىلىكتىلىگىن ارتتىرۋ ۇزدىكسىز جۇرگىزىلىپ كەلەدى.
جولدىباي بازار.
دەرەككوز: «24kz».
فوتو: «24kz».