جالپىۇلتتىق سوتسيال-دەموكراتيالىق پارتياسى اتىنان قازاقستان رەسپۋبليكاسى پرەزيدەنتتىگىنەن ۇمىتكەر نۇرلان اۋەسباەۆ شىمكەنت قالاسىنىڭ قازىعۇرت شاعىن اۋدانىندا سايلاۋشىلارمەن كەزدەستى.
جيىن №66 مەكتەپتىڭ ءماجىلىس زالىندا ءوتتى. ءىس-شارا بارىسىندا ۇمىتكەر جينالعان قاۋىمعا ءوزىنىڭ سايلاۋالدى باعدارلاماسى جايىندا بايانداپ بەردى. اۋديتوريا الدىندا ءسوز سويلەگەن ن.اۋەسباەۆ قازاقستانداعى باستى ماسەلە ادال بيزنەستى تۇنشىقتىراتىن, ەكونوميكانىڭ دامۋىنا جول بەرمەيتىن, حالىقتىڭ ءال-اۋقاتىنا كەرى اسەر ەتەتىن جاپپاي سىبايلاس جەمقورلىق ەكەنىن اتاپ ءوتتى.
«ەلدە بەنەفيتسيارلارى قايتا وڭدەۋ سالالارىن دامىتۋعا مۇددەلى ەمەس كورپوراتيۆتىك, وليگارحيالىق ەكونوميكا قالىپتاستى. سونىڭ سالدارىنان جەكەلەگەن ادامدار عانا بايىپ, ميلليونداعان ادام كەدەيشىلىك جاعدايىندا ءومىر ءسۇرىپ جاتىر. بۇل رەتتە, ەگجەي-تەگجەي تەرگەۋ جۇرگىزىپ, ۇرلانعان جانە وففشورلارعا شىعارىلعاننىڭ ءبارىن قازاقستاندىقتارعا قايتارۋ قاجەت», دەدى كانديدات.
سونىمەن قاتار نۇرلان اۋەسباەۆ تاۋەلسىزدىكتىڭ العاشقى كەزەڭىندە, 90-جىلدارى كوپتەگەن ءىرى كاسىپورىنداردىڭ كۇلكىلى سوماعا جەكەشەلەندىرىلگەنىن ايتتى. سوندىقتان دا ول ءوزىنىڭ سايلاۋالدى باعدارلاماسىندا وسىنداي كومپانيالاردىڭ اكتسيالارىن حالىققا وتكىزۋ تۋرالى ماسەلەنى قاراستىرادى. بۇعان IPO ارقىلى قول جەتكىزۋگە بولادى. ۇمىتكەر اكتيۆتەردى ۇلتتىق ەكونوميكانىڭ جاڭا نەگىزىنە اينالۋعا ءتيىس ورتا بيزنەس وكىلدەرى اراسىندا ءبولۋ كەرەك دەپ ەسەپتەيدى.
نۇرلان اۋەسباەۆتىڭ سايلاۋالدى باعدارلاماسىندا ساياسي رەفورمالار جۇرگىزۋ قاجەتتىلىگى تۋرالى دا ايتىلادى.