ادىلدىك – باستى باعىت

كانديدات شىمكەنت قالالىق ادۆوكاتتار القاسىمەن كەزدەسۋ وتكىزدى. «زاڭگەرلەردىڭ جاعدايى قيىن. قارجىلىق ماسەلەلەر ودان دا قيىن. بىراق ادامداردىڭ قۇقىعى بۇزىلىپ جاتقانىن كورۋ, ءتىپتى اۋىر. سوت ۇدەرىسى ءجۇرىپ جاتقاندا ادۆوكاتتار ءوز جۇمىسىن تولىققاندى اتقارا المايدى. پروكۋرورلار مەن سوت قىزمەتكەرلەرى ادۆوكاتتاردىڭ ايتقانىن تىڭداعىسى دا كەلمەيدى. ءوز پىكىرىن اشىق ايتىپ, بەلسەندىلىك تانىتقان زاڭگەرلەر كەيىن ەڭبەك جولىن اياقتاۋعا ءماجبۇر بولعانىن كورىپ تە ءجۇرمىز. ادام كومەككە ۇمىتتەنىپ ادۆوكات جالدايدى, بىراق كاسىپقويمەن جۇمىس ىستەگەننىڭ وزىندە سوت شەشىمىنىڭ قانشالىقتى ءادىل بولاتىنىنا كۇماندانادى. حالىق ءبىزدىڭ سوتتارعا سەنبەيدى», دەدى جيىنعا قاتىسقاندار.

سونداي-اق جينالعاندار ءسوز بوستاندىعىن, اتاپ ايتساق جۋرناليستەردىڭ سوت ۇدەرىستەرى مەن اتىشۋلى ىستەردى سىرتتان قىسىمسىز كورسەتە الۋى ماسەلەلەرىن كوتەردى.

سالتانات تۇرسىنبەكوۆا زاڭ ساقتالماعان جەردە ەشقاشان ءتارتىپ بولمايتىنىن ايتتى. كانديدات ءوز باعدارلاماسىندا سوت-قۇقىقتىق رەفورمانى ءبىرىنشى باعىت رەتىندە ەرەكشە اتاپ وتكەنىن ەسكە سالدى. سونىمەن قاتار سوت تورەلىگىنىڭ ءتيىمدى جۇيەسىن قۇرۋ, داۋلار مەن جانجالداردى شەشۋدىڭ بالامالى جولدارىن دامىتۋ, قۇقىق بۇزۋشىلىقتىڭ الدىن الۋدىڭ زاڭدا باسىمدىعىن قامتاماسىز ەتۋ سەكىلدى ۇسىنىستارىن جەتكىزدى.