پرەمەر-ءمينيستردىڭ ءبىرىنشى ورىنباسارى رومان سكليار گفر سىرتقى ىستەر ءمينيسترى اننالەنا بەربوكتىڭ جۇمىس ساپارى اياسىندا قازاقستانعا كەلگەن گەرمانيانىڭ ەكونوميكالىق دەلەگاتسياسىمەن كەلىسسوز جۇرگىزدى.
گفر ءسىم ەكونوميكالىق ماسەلەلەر جانە تۇراقتى دامۋ دەپارتامەنتىنىڭ باسشىسى وليۆەر رەنتشلەر باستاعان دەلەگاتسيا قۇرامىنا بىرقاتار نەمىس كومپانياسىنىڭ, ونىڭ ىشىندە Svevind Group, Knauf, Lufthansa, Goldbeck Solar جانە ت.ب. وكىلدەرى كىردى.
كەزدەسۋ بارىسىندا قازاقستان-گەرمانيا ساۋدا-ەكونوميكالىق جانە ينۆەستيتسيالىق ىنتىماقتاستىعىن تەرەڭدەتۋ, «جاسىل» ەكونوميكانى دامىتۋ, بىرلەسكەن جوبالاردى ىسكە اسىرۋ ماسەلەلەرى تالقىلاندى.
ءوز سوزىندە ر.سكليار گەرمانيانىڭ قازاقستاننىڭ ەۋروپالىق وداقتاعى ەڭ ماڭىزدى سەرىكتەسى بولىپ تابىلاتىنىن اتاپ ءوتتى جانە ەلىمىزدىڭ ەنەرگەتيكا, ونەركاسىپ, كولىك جانە لوگيستيكا, اۋىل شارۋاشىلىعى جانە ت.ب. سالالارداعى ارىپتەستىكتى ودان ءارى تەرەڭدەتۋگە مۇددەلى ەكەندىگىن مالىمدەدى.
ونىڭ ايتۋىنشا, قازاقستان جالپى قۇنى 1 ملرد دوللار بولاتىن 100-گە جۋىق وڭدەلگەن تاۋار ءتۇرىن جەتكىزە الادى.
ءوز كەزەگىندە ەكونوميكالىق دەلەگاتسيا باسشىسى وليۆەر رەنتشلەر ەكى ەلدىڭ مەملەكەتتىك ورگاندارى مەن بيزنەس قۇرىلىمدارى اراسىنداعى ءوزارا ءىس-قيمىل دەڭگەيىن جوعارى باعالادى, سونداي-اق قازاقستان ۇكىمەتىنىڭ نەمىس كومپانيالارىمەن ىنتىماقتاستىق جونىندەگى ارنايى جۇمىس توبىنىڭ تيىمدىلىگىن اتاپ ءوتتى.
جالپى, نەمىس دەلەگاتسياسىنىڭ وكىلدەرى ەنەرگەتيكا جانە كولىك سالالارىندا ىنتىماقتاستىقتى نىعايتۋعا, جاڭا كەن ورىندارىن يگەرۋگە دايىن ەكەندىكتەرىن ءبىلدىردى.
كەلىسسوز سوڭىندا «سۇراق-جاۋاپ» سەسسياسى ءوتتى, وندا ەكىجاقتى ءوزارا ءىس-قيمىلدىڭ پراكتيكالىق ماسەلەلەرى تالقىلاندى. بۇدان باسقا, كەلىسسوز قورىتىندىسى بويىنشا بولاشاقتا وسىنداي كەزدەسۋلەردى ۇيىمداستىرۋ تۋرالى ۋاعدالاستىققا قول جەتكىزىلدى.