جالپىۇلتتىق سوتسيال-دەموكراتيالىق پارتياسى اتىنان پرەزيدەنتتىككە ۇمىتكەر نۇرلان اۋەسباەۆ رەسپۋبليكالىق سايلاۋالدى شتابىندا قۇرىلىس ۇيىمدارىنىڭ جۇمىسكەرلەرىمەن كەزدەستى.
كەزدەسۋ بارىسىندا ۇمىتكەر باعدارلاماسىنىڭ نەگىزگى تارماقتارى جايىندا ءسوز قوزعادى. ءوز سوزىندە نۇرلان اۋەسباەۆ سايلاۋالدى باعدارلاماسىنىڭ نەگىزگى باعدارى ادام ەكەندىگىن مالىمدەدى. ۇمىتكەر اتاپ وتكەندەي, مەملەكەتپەن جاساقتالعان الەۋمەتتىك ليفتتەردەن بۇگىنگى كۇنى پايدا جوق. سول سەبەپتى الەۋمەتتىك قولداۋ جۇيەسىن قۇرۋ ماڭىزدى.
ۇمىتكەردىڭ پايىمداۋىنشا, الەۋمەتتىك ساياسات ادامداردىڭ نەعۇرلىم داۋلەتتى ساناتتارعا كوتەرىلۋىنە, كەي جاعدايلاردا كەدەيلىككە ۇشىراماۋىنا جاعداي جاساۋى كەرەك. سونىمەن قاتار نۇرلان اۋەسباەۆ ەڭبەك قاۋىپسىزدىگى ماسەلەلەرىنە دە توقتالدى. بۇل سالادا وندىرىستىك جاراقات پەن جازاتايىم وقيعالاردىڭ دەڭگەيى وتە جوعارى. وعان سەبەپ – جۇمىس بەرۋشىلەردىڭ جۇمىسشىلاردىڭ دەنساۋلىعىنىڭ قاۋىپسىزدىگىن قامتاماسىز ەتۋ جۇيەلەرىن جاقسارتۋعا قاراجات بولگىسى كەلمەيتىندىگى. بۇل ماسەلە كانديداتتىڭ سايلاۋالدى باعدارلاماسىندا جان-جاقتى قامتىلعان.
ۇمىتكەر جاعدايدى وزگەرتۋ ءۇشىن بيزنەس وليگارحاتتىڭ نە مەملەكەتتىڭ قۋدالاۋى مەن قىسىمىنان قورىقپاي, ادال جۇمىس ىستەپ, سالىق تولەي الاتىنداي قوعامدى, بيزنەستى جانە مەملەكەتتى تەپە-تەڭدىك كۇيىنە قايتارۋ قاجەت ەكەنىن ايتتى. سوندا عانا ءىرى كومپانيالار وزدەرىنىڭ بايلىعى مەن مولشەرى ءۇشىن جاۋاپ بەرىپ, مەملەكەت بولسا, ءوز ازاماتتارىنا ەسەپ بەرەدى.