الماتى پوليتسياسى كاسىپكەر راميل مۋحورياپوۆپەن بولعان وقيعا بويىنشا تەكسەرۋ جۇرگىزىپ جاتىر, دەپ حابارلايدى Egemen.kz.
«الماتى پوليتسيا دەپارتامەنتى ر. مۋحورياپوۆقا قاتىستى تەكسەرۋ جۇرگىزۋدە, ءتيىستى ساراپتاما تاعايىندالدى. ساراپتاما ناتيجەلەرى بويىنشا ونىڭ ءىس-ارەكەتىنە باعا بەرىلەدى», دەدى قر باس پروكۋرورىنىڭ ورىنباسارى اسەت شىنداليەۆ تىلشىلەردىڭ سۇراقتارىنا جاۋاپ بەرە وتىرىپ.
بۇعان دەيىن «Chocofamily Holding» نەگىزىن قالاۋشى جانە تەڭ يەسى راميل مۋحورياپوۆ قازاق تىلىنە قاتىستى ايتقان سوزدەرىنەن كەيىن جانجال تۋىنداعان ەدى. ول قازاقستاندىقتار ورىس تىلىندە قويىلعان سۇراققا قازاق تىلىندە جاۋاپ بەرەتىن جاعدايدى ۇلتشىلدىقتىڭ كورىنىسى دەپ اتادى. كەيىنىرەك راميل مۋحورياپوۆ ايتقان سوزدەرى ءۇشىن كەشىرىم سۇرادى.