قانداي زامان بولسىن, حالقىمىز قانىنا سىڭگەن, بولمىسىنا بىتكەن شاراپاتشىل, مەيىربان سياقتى اسىل قاسيەتىنەن اجىراپ قالماعانىنا بۇگىنگى كۇنىمىزدەن دە كوپتەپ مىسال كەلتىرۋگە بولادى. ارامىزدا وسىنداي كەڭپەيىلدىگىمىزدى ءىس جۇزىندە ىزگى امالدارىمەن كورسەتىپ جۇرگەن ازاماتتار بارشىلىق. ولاردىڭ قايىرلى ىستەرى قوعام تاراپىنان اتاۋسىز قالعان ەمەس. وسى ورايدا حالىق العىسىن ارقالاعان ۇزدىك مەتسەناتتار مەن فيلانتروپتار استانانىڭ تورىندە «جومارت جۇرەك» رەسپۋبليكالىق سىيلىعىمەن ماراپاتتالدى.
قازاقستاندا قايىرىمدىلىق جاساۋ مەن ونى دامىتۋعا ەلەۋلى ۇلەس قوسقان قايىرىمدىلىق جاساۋشىلاردى ەسكەرۋسىز قالدىرماۋ جانە ىنتالاندىرۋ, ولارعا قوعامنىڭ نازارىن اۋدارۋ ماقساتىندا اقپارات جانە قوعامدىق دامۋ مينيسترلىگى 2018 جىلدان «جومارت جۇرەك» سىيلىعىن تابىستاپ كەلەدى. بۇل رەتتە بيىلعى كونكۋرسقا 17 وبلىس پەن رەسپۋبليكالىق ماڭىزى بار قالالاردىڭ وكىلدەرى قاتىستى. كونكۋرس جەڭىمپازدارى – ونلاين-داۋىس بەرۋ قورىتىندىسى بويىنشا حالىق تاڭداعان 50 ادام «جىل تۇلعاسى», «جىل مەتسەناتى», «تۋعان ولكە», «جىلدىڭ ۇزدىك ۇيىمى» جانە «جىلدىڭ ۇزدىك قامقورشىسى» دەپ اتالاتىن 5 نوميناتسيا بويىنشا انىقتالدى.
ماراپاتتاۋ راسىمىنە پارلامەنت ءماجىلىسىنىڭ دەپۋتاتتارى, بيزنەس سالاسىنىڭ, قايىرىمدىلىق جانە ەرىكتىلەر ۇيىمدارىنىڭ وكىلدەرى قاتىستى. القالى جيىندا اقپارات جانە قوعامدىق دامۋ ءمينيسترى دارحان قىدىرالىنىڭ بايقاۋ جەڭىمپازدارىنا ارناعان اقجارما لەبىزىن اتالعان سالا ۆيتسە-ءمينيسترى د.قادىروۆ جەتكىزدى.
«جومارت جۇرەك» سىيلىعىنىڭ 50 جەڭىمپازىنىڭ ارقايسىسى ءوز اۋىلىن, قالاسىن دامىتۋعا زور ۇلەس قوسىپ, مۇقتاج جاندارعا كومەكتەسكەن. اتاپ ايتساق, «جىل تۇلعاسى» نوميناتسياسى بويىنشا قايىرىمدىلىق قىزمەتى ءۇشىن ماراپاتقا يە بولعانداردىڭ اراسىندا اۋىل مەكتەپتەرى مەن بالاباقشالارعا دەمەۋشىلىك كومەك كورسەتىپ جۇرگەن قىزىلوردا وبلىسىنىڭ «ەر-ءالي» شارۋا قوجالىعىنىڭ باسشىسى ءالىبي بەكجانوۆ بار. ونىڭ دەمەۋشىلىگىمەن ا.وڭالباەۆ اتىنداعى №117 ورتا مەكتەبىنىڭ سپورت زالى مەن اۋىلدىق مادەنيەت ۇيىندە 220 ورىندىق كورەرمەندەر زالى اشىلعان. ماقپالكول اۋىلىندا دەمەۋشىلىكپەن از قامتىلعان وتباسىلارعا ارنالعان 4 ءۇي سالىندى.
ال «جىل مەتسەناتى» نوميناتسياسى بويىنشا تۇركىستان وبلىسىنىڭ اتىنان قاتىسقان «كۇلتوبە» جشس ديرەكتورى شارىپبەك ساۋرىقوۆ اقتاس اۋىلى مەن بايدىبەك اۋدانى شىبىت ەلدى مەكەنىنىڭ مۇقتاج وتباسىلارىنا تۇرعىن ءۇي سالۋعا قاراجات بولگەن. شايان اۋىلدىق وكرۋگىندەگى شايان اۋىلىنىڭ مۇمكىندىگى شەكتەۋلى وتباسىلارى مەن مۇقتاج تۇرعىندارىنا تۇرعىن ءۇي سالۋعا قاراجات بولۋمەن قاتار, وسى اۋىلدىڭ از قامتىلعان وتباسىلارىنا تۇراقتى تۇردە ازىق-ت ۇلىك جانە قارجىلىق كومەك كورسەتىپ تۇرادى.
تۋعان جەردى قولداۋ بويىنشا الەۋمەتتىك ماڭىزدى جوبالاردى جۇزەگە اسىرعانى ءۇشىن «تۋعان ولكە» نوميناتسياسىمەن ماراپاتتالعانداردىڭ ىشىندە اقتوبە وبلىسىنىڭ «دينار-ەلەكتروماش» جشس ديرەكتورى سەرگەي ۆيشنياك بار. ول مادەنيەت, ءبىلىم جانە سپورت مەكەمەلەرىنە تۇراقتى كومەك كورسەتىپ كەلەدى. اقجار كەنتىندە ينفراقۇرىلىمدى ۇيىمداستىرۋعا جانە جاڭاقونىس كەنتىندە كوگالداندىرۋ ءۇشىن دەمەۋشىلىك كومەك كورسەتىلدى. 150 مۇگەدەك جانعا ازىق-ت ۇلىك پاكەتتەرى تۇرىندە كومەك بەرىپ, 5 ادامنىڭ وڭالتۋ-ەمدەلۋى ءۇشىن جاعداي جاسالدى. بالالاردى وڭالتۋ ورتالىعىنىڭ ماتەريالدىق-تەحنيكالىق بازاسىن جاقسارتۋ ءۇشىن دەمەۋشىلىك كورسەتتى.
«جىلدىڭ ۇزدىك قامقورشىسى» اتالعان جەڭىمپازدىڭ ءبىرى – اقمولا وبلىسىنىڭ «بالبوبەك 2014» جشس باسشىسى جانار ناۋحانقىزى حاسەنوۆا. ول كەشەندى قايىرىمدىلىق قىزمەتى مەن ەلەۋلى الەۋمەتتىك-ماڭىزدى وزگەرىستەر جاساعانى ءۇشىن جەڭىمپاز اتانعان. كوپبالالى وتباسىلاردان شىققان 10 بالانى بالاباقشاعا تەگىن بارۋعا دەمەۋشىلىك كومەك كورسەتكەن, از قامتىلعان, كوپبالالى وتباسىلارعا جانە مۇمكىندىگى شەكتەۋلى ادامدارعا قارجىلىق قولداۋ جاساعان «بالبوبەكتىكتەر» ءتۇرلى مەرەكەلىك ءىس-شارالاردى وتەۋسىز ۇيىمداستىرۋعا ۇيىتقى بولىپ كەلەدى.
جالپى, قوعامدا مۇنداي مىسالدار كوپتەپ سانالادى. بارلىق لاۋرەاتقا ەستەلىك سىيلىقتار مەن ديپلومدار تابىس ەتىلدى.