الەمنىڭ ەڭ بەلدى ۇيىمى UFC-دە كۇش سىناسىپ جۇرگەن قىتايدا تۋىپ-وسكەن قانداسىمىز ماقسات قايسار ءوزىنىڭ كەلەسى جەكپە-جەگىن 17 جەلتوقساندا وتكىزەدى.
23 جاستاعى ماقسات ءوز كەزدەسۋلەرىنىڭ دەنىن قىتاي ەلىندەگى WLF W.A.R.S. پروموۋشەنىندە وتكىزدى. وسىدان ءدال ءبىر جىل بۇرىن كانادالىق احيللەس ەسترەمادۋرانى جەڭگەن ول UFC-دە ونەر كورسەتۋ قۇقىعىنا يە بولدى. بيىل جازدا قازاقتىڭ قايسار ۇلى سينگاپۋردە ۇيىمداستىرىلعان جارىستا امەريكالىق ستيۆ گارسيانى ءبىرىنشى راۋندا ۇرىپ جىعىپ, سان ميلليون كورەرمەننىڭ قوشەمەتىنە بولەندى. ارالاس جەكپە-جەكتەن بارلىعى 10 كەزدەسۋ وتكىزگەن ماقسات قايسار سونىڭ تەك بىرەۋىندە عانا جەڭىلىستىڭ كەرمەك ءدامىن تاتتى. كەلەسى باسەكەسىن ول رافا گارسياعا قارسى وتكىزەدى. 28 جاستاعى مەكسيكانىڭ تۋماسى 2014 جىلدان بەرى وسى سپورت تۇرىمەن شۇعىلدانۋدا. سول ارالىقتا 16 رەت وكتاگونعا شىققان گارسيا 13 رەت جەڭىس تويىن تويلاپ, توعىز كەزدەسۋىن مەرزىمنەن بۇرىن اياقتادى.