قازاقستان رەسپۋبليكاسى پرەمەر–مينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى تۇركى مەملەكەتتەرى ۇيىمى (تمۇ) سىرتقى ىستەر مينيسترلەرى كەڭەسىنىڭ بەيرەسمي وتىرىسىنا قاتىستى, دەپ حابارلايدى Egemen.kz.
ءسىم باسشىسى ءوز سوزىندە ۇيىمنىڭ حالىقارالىق ارەناداعى ءوسىپ كەلە جاتقان جانە شوعىرلاندىرۋشى ءرولىن اتاپ ءوتتى. مينيستر بيىلعى 12-13 قازاندا استانا قالاسىندا وتكەن اوسشك مەرەيتويلىق سامميتىنە قاتىسقانى ءۇشىن تمۇ وكىلدەرىنە العىسىن ءبىلدىردى.
وتىرىس بارىسىندا قاتىسۋشىلار وسى جىلى قاراشا ايىندا وزبەكستاندا وتەتىن تمۇ مەملەكەتتەرى باسشىلارىنىڭ سامميتىنە دايىندىق ماسەلەلەرىن تالقىلادى. سونداي-اق وسى ءىس-شارا بارىسىندا قول قويۋعا جوسپارلانعان قۇجاتتاردىڭ تۇپكىلىكتى جوبالارى بەكىتىلدى.