كۋالىك بەرىلدى

كۇن تارتىبىندەگى ماسەلە بويىنشا ورتالىق سايلاۋ كوميسسياسىنىڭ مۇشەسى شاۆكات وتەمىسوۆ بايانداما جاسادى. ول 2022 جىلدىڭ 4 قازانىندا ورتالىق سايلاۋ كوميسسياسىنا «امانات» قازاقستاننىڭ كاسىپوداقتار ىنتىماقتاستى­عى» رەسپۋبليكالىق كاسىپ­وداق­تار بىرلەستىگى م.قاجىكەندى قازاقستان رەسپۋبليكاسىنىڭ پرەزيدەنتتىگىنە كانديدات ەتىپ ۇسىنۋ تۋرالى قۇجاتتاردى ۇسىنعانىن حابارلادى. ورتالىق سايلاۋ كوميسسياسىنا كانديداتتى تىركەۋ ءۇشىن – پرەزيدەنتتىك­كە كانديدات م.قاجىكەننىڭ جانە ونىڭ زايىبىنىڭ اكتيۆتەر مەن مىندەتتەمەلەر جونىن­دە دەكلاراتسيا تاپسىرعا­نى تۋرالى مەملەكەتتىك كىرىس­تەر ورگانىنىڭ انىقتاماسى; تىركەۋگە كەدەرگى كەلتىرەتىن اۋرۋلاردىڭ جوقتىعى تۋرالى مەديتسينالىق قورىتىندىسى جانە وبلىستاردىڭ, رەسپۋب­لي­كالىق ماڭىزى بار قالا­لار­دىڭ جانە رەسپۋبليكا استا­نا­سىنىڭ اۋماقتىق سايلاۋ كوميس­سيالارىنىڭ م.قاجىكەندى قول­داپ جيناعان ازاماتتاردىڭ قولدارىن تەكسەرۋ ناتيجەلەرى تۋرالى حاتتامالارى ۇسىنىلدى.

اتالعان حاتتاماعا سايكەس م.قاجىكەندى قولداۋ ماقساتىن­دا ەلىمىزدىڭ 14 وڭىرىندەگى 122 184 ازاماتتىڭ قولى جينالدى. تەكسەرۋ ناتيجەسىندە 120 055 قولدىڭ دۇرىستىعى انىقتال­دى, ياعني قاجەتتى سانى, كەمىندە 1% نەمەسە 118 273 قامتاماسىز ەتىلدى.

م.قاجىكەندى پرەزيدەنتتىككە كانديدات رەتىندە تىركەۋگە قاجەتتى بارلىق قۇجات ورتالىق سايلاۋ كوميسسياسىنا ۇسىنىلدى جانە ولارعا قويىلاتىن تالاپتارعا تولىق سايكەس كەلەدى. ورتالىق سايلاۋ كوميسسياسىنىڭ قاۋلىسى­مەن مەيرام زەكەش ۇلى كاجىكەن قازاقستان رەسپۋبليكاسىنىڭ پرەزيدەنتتىگىنە كانديدات بولىپ تىركەلىپ, وعان ءتيىستى كۋالىك بەرىلدى.