ءاليحان سمايىلوۆ پەن ۆەتنامنىڭ ۆيتسە-پرەزيدەنتى ۆو تحي ان سۋان ەكونوميكالىق جانە الەۋمەتتىك-مادەني ىنتىماقتاستىقتى تەرەڭدەتۋ ماسەلەلەرىن تالقىلادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
1992 جىلى ديپلوماتيالىق قاتىناستار ورناعاننان بەرى قازاقستان مەن ۆەتنام سىندارلى ديالوگ ورناتىپ, ەكىجاقتى ءوزارا ءىس-قيمىلدىڭ جوعارى دەڭگەيىنە قول جەتكىزدى.
سوڭعى 7 جىلدا ەكى ەل اراسىنداعى تاۋار اينالىمى 2 ەسە ارتتى. بۇعان 2015 جىلى ەاەو ەلدەرى مەن ۆەتنام اراسىنداعى ەركىن ساۋدا ايماعى تۋرالى كەلىسىمگە قول قويۋ ىقپال ەتتى.
ء«بىز قازىردىڭ وزىندە قازاقستاندىق ەكسپورتتى 90 تاۋار اتاۋى بويىنشا 500 ملن-نان استام دوللارعا ۇلعايتۋعا دايىنبىز», دەدى ءاليحان سمايىلوۆ.
سونىمەن قاتار ءاليحان سمايىلوۆ قازاقستاندىق ازاماتتارعا ۆەتنامعا ۆيزاسىز كىرۋ مۇمكىندىگىن بەرۋ ماسەلەسىن كوتەردى, بۇل ەكى ەل اراسىنداعى ساۋدا جانە ءتۋريزمدى دامىتۋعا وڭ اسەر ەتەدى. ءوز تاراپىنان ۆو تحي ان سۋان ۆەتنامنىڭ قازاقستانمەن ىنتىماقتاستىقتى نىعايتۋ ماسەلەلەرىنە ۇلكەن ماڭىز بەرەتىنىن اتاپ ءوتتى.