استانا. 22 مامىر. Daewoo Nexia جانە Daewoo Matiz جەڭىل كولىكتەرىن الىپ كەلۋگە اعىمداعى جىلدىڭ 1 شىلدەسىنە دەيىن رۇقسات بەرىلدى. بۇل تۋرالى «الماتى» تەلەارناسى حابارلادى.
«اۆتوكولىك قۇرالدارىنىڭ قاۋىپسىزدىگى» زاڭناماسىنا وزگەرىس ەنگىزۋىنە سايكەس, وزبەكستاندا شىعارىلاتىن بۇل كولىكتەردى 1 شىلدەگە دەيىن عانا ەلىمىزگە الىپ كەلۋگە بولادى.
دەگەنمەن, ۇكىمەت قاۋلىسىندا كورسەتىلگەندەي, اتالعان تىيىم 2015 جىلدىڭ 1 قاڭتارىنان باستاپ قايتا كۇشىنە ەنەدى. بىراق, كەدەندىك وداققا كىرەتىن ەلدەردەن شىققان كولىكتەرگە بۇل تالاپ قويىلمايدى.
ەستەرىڭىزگە سالا كەتەيىك, وزبەكستاندا شىعارىلاتىن وڭتۇستىك كورەيالىق Daewoo Nexia جانە Daewoo Matiz كولىكتەرىن قازاقستانعا اكەلۋگە 2014 جىلدىڭ 5 قاڭتارىنان باستاپ تيىم سالىنعان. سەبەبى, وسى ماشينالاردا قاۋىپسىزدىك جاستىقشاسى, ABS تەشەگىشى, بالالار ورىندىعى بەكىتەلەتىن ISOFIX قوندىرعىسى ءتارىزدى قۇرىلعىلار قارالماعان. ال بۇل كەدەن وداعىنىڭ «دوڭگەلەكتى كولىكتەردىڭ قاۋىپسىزدىگى جونىندەگى» تالابىنا سايكەس كەلمەيدى.
جولدىباي بازار.
دەرەككوز: «الماتى» تەلەارناسى.
فوتو: matritca.kz.