بۇل تۋرالى قاسىم-جومارت توقاەۆ ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ VI ءسامميتىنىڭ اشىلۋىندا ايتتى, دەپ حابارلايدى Egemen.kz.
«ەكولوگيالىق ولشەمنىڭ ماڭىزى ارتا ءتۇستى. كليماتتىڭ وزگەرۋى ۋاقىت وتكەن سايىن بولجاپ ءبىلۋى قيىن, ءارى زاردابى اۋىر تابيعات اپاتتارىنا الىپ كەلەدى. 2021 جىلى ازيادا مۇنداي جاعدايلاردان 57 ميلليون ادام زارداپ شەكتى. 2050 جىلعا قاراي ازيا ەكونوميكاسىنا وسىنداي تابيعي كاتاكليزمدەردەن كەلەتىن ىقتيمال زالال ءجىو-ءنىڭ 26 پايىزىنا دەيىن جەتۋى مۇمكىن», دەدى مەملەكەت باسشىسى.
سونداي-اق قازاقستان پرەزيدەنتى تاياۋدا پاكىستاندا بولعان جويقىن سۋ تاسقىنى وراسان زور گۋمانيتارلىق اپاتقا ۇشىراتقانىن جەتكىزدى.
«وسىنداي قيىن كەزدە ءبىز پاكىستان حالقىمەن جانە ۇكىمەتىمەن بىرگە ەكەنىمىزدى تاعى دا دالەلدەدىك. كليماتتىق داعدارىس اسكەري قاقتىعىستارعا الىپ كەلىپ, الاپات ءارى باسقارۋعا كەلمەيتىن ميگراتسيالىق ءنوپىردىڭ كاتاليزاتورىنا اينالۋى مۇمكىن», دەدى ق.توقاەۆ.