«Astana Qazaqstan Team» ۆەلوكلۋبىنىڭ وكىلى گلەب سىريتسا مالايزيادا ءوتىپ جاتقان «لانگكاۆي تۋرىنىڭ» ءبىرىنشى كەزەڭىندە توپ جاردى.
22 جاستاعى رەسەيلىك ۆەلوشاباندوز تامىز ايىنان بەرى الەكساندر ۆينوكۋروۆتىڭ شاقىرۋىمەن قازاقستاندىق كلۋبتا تاجىريبەدەن ءوتىپ ءجۇر. سول ۋاقىتتان بەرى بىرنەشە ۆەلوجارىسقا قاتىسقان سىريتسا كۇنى كەشە «استانا» ساپىنداعى العاشقى جەڭىسىنە قول جەتكىزدى. 157,3 شاقىرىمعا جالعاسقان ءبىرىنشى كەزەڭدى ول 3 ساعات 43 مينۋت 43 سەكۋندتا باعىندىرىپ, مارە سىزىعىن ءبىرىنشى بولىپ كەستى. ەكىنشى جانە ءۇشىنشى ورىندى نورۆەگيالىق ەرلەند بليكرا (Uno-X Pro Cycling Team) مەن گەرمانيالىق ماكس كانتەر (Movistar) يەلەندى.
«لانگكاۆي تۋرى» 1996 جىلدان بەرى مالايزيانىڭ لانگكاۆي ارالىندا وتكىزىلىپ كەلەدى. سەگىز كەزەڭگە جالعاساتىن جارىستا 2016 جىلى «استانانىڭ» كولۋمبيالىق ۆەلوشاباندوزى ميگەل لوپەس جالپى ەسەپتە ءۇشىنشى ورىننان كورىنسە, 2020 جىلى ەۆگەني فەدوروۆ كۇمىس جۇلدەگە قول جەتكىزگەن-ءدى.