قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ پەن مولدوۆا فۋتبول فەدەراتسياسىنىڭ باسشىسى لەونيد ولەينيچەنكو ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz.
«مەموراندۋم اياسىندا قوس تاراپ بۇقارالىق فۋتبول, جاتتىقتىرۋشى ماماندار مەن نۇسقاۋشىلاردى دايارلاۋ بويىنشا بىرلەسكەن جوبالاردى ىسكە اسىرۋعا كەلىستى. سونداي-اق فۋتبول ماماندارىنىڭ دەڭگەيىن ارتتىرۋ ماقساتىندا ءبىلىم بەرۋ سەمينارلارىن ۇيىمداستىرىپ, وزگە دە ءىس-شارالاردى بىرلەسە اتقارماق», دەپ جازىلعان قفف تاراتقان حابارلامادا.
قفف كەڭسەسىندە مولدوۆا فۋتبول فەدەراتسياسىنىڭ باس حاتشىسى سەرگەي بۋيالسكي مولدوۆا اۋماعىندا بۇقارالىق, ايەلدەر جانە بالالار-جاسوسپىرىمدەر فۋتبولىن دامىتۋعا باعىتتالعان فۋتبول جوبالارىن تانىستىردى.