مەملەكەت باسشىسى ەسەپ كوميتەتىنىڭ توراعاسى ناتاليا گودۋنوۆانى قابىلدادى, دەپ حابارلايدى Egemen.kz اقورداعا سىلتەمە جاساپ.
كەزدەسۋ بارىسىندا پرەزيدەنتكە ەسەپ كوميتەتىنىڭ بيىلعى 9 ايدا اتقارعان جۇمىسى تۋرالى ەسەپ بەرىلدى. وسى كەزەڭدە بارلىعى 3,4 تريلليون تەڭگە بيۋدجەت قاراجاتىن قامتيتىن 99 وبەكتىدە 17 اۋديتورلىق تەكسەرۋ جۇرگىزىلگەن.
ناتاليا گودۋنوۆا قاسىم-جومارت توقاەۆقا 2023-2025 جىلدارعا ارنالعان رەسپۋبليكالىق بيۋدجەت جوباسىن باعالاۋدىڭ نەگىزگى ناتيجەلەرى تۋرالى دا مالىمەت بەردى. وندا دامۋ بيۋدجەتىنىڭ 3,5 تريلليون تەڭگە قارجىسى قامتىلعان.
سونىمەن قاتار مەملەكەت باسشىسىنا سالىق جەڭىلدىكتەرىنىڭ تيىمدىلىگىنە جۇرگىزىلگەن ءاۋديتتىڭ الدىن الا قورىتىندىلارى ۇسىنىلدى.
كەزدەسۋ قورىتىندىسى بويىنشا پرەزيدەنت مەملەكەتتىك اۋديت جۇيەسىن ودان ءارى دامىتۋعا قاتىستى بىرقاتار ناقتى تاپسىرما بەردى.