زاڭنىڭ تالاپتارىنا سايكەس كەلەدى

نۇرلان ءابدىروۆتىڭ توراعالىعى­مەن وتكەن ورتالىق سايلاۋ كو­ميسسيا­سى­نىڭ كەزەكتى وتىرىسىندا مەيرام قاجىكەننىڭ قازاقستان رەس­پۋب­­ليكاسى پرەزيدەنتتىگىنە كانديداتتىققا سايكەس­تىگى تۋرالى ماسەلە قارالدى.

كۇن تارتىبىندەگى ماسەلە بويىنشا ورتالىق سايلاۋ كوميسسياسىنىڭ مۇشەسى شاۆكات وتەمىسوۆ بايانداما جاسادى. ول قازاقستان رەسپۋبليكاسى پرەزيدەنتتىگىنە كانديدات مەيرام قاجىكەنگە قاتىستى سايلاۋ تۋرالى كونستيتۋتسيالىق زاڭنىڭ 59-بابىنىڭ تالاپتارىنا سايكەس وسك ۋاكىلەتتى مەملەكەتتىك ورگاندارعا ءتيىستى سۇراۋ جىبەرگەنىن حابارلادى. قۇزى­رەتتى مەملەكەتتىك ورگانداردان كەلگەن مالىمەتتەرگە ساي م.قاجىكەننىڭ قازاقستان رەسپۋبليكاسى پرەزي­دەنت­تىگىنە كانديدات رەتىندە تىركەلۋىنە كەدەر­گىلەر جوق ەكەنى انىقتالدى.

ماسەلەن, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنە ساي مەيرام قاجىكەن قازاقستان پرە­زيدەنتتىگىنە كانديداتتارعا قويىلا­تىن كونستيتۋتسيا مەن «قازاقستان رەسپۋب­لي­كاسىنداعى سايلاۋ تۋرالى» كونستيتۋ­تسيالىق زاڭىنىڭ تالاپتارىنا سايكەس كەلەدى. ىشكى ىستەر مينيسترلىگىنىڭ مالىمەتى بويىنشا ول تۋمىسىنان قازاقستان رەسپۋبليكاسىنىڭ ازاماتى, قازاقستاندا سوڭعى 61 جىل بويى تۇرا­دى. 2022 جىلعى 8 قازانداعى لينگۆيس­تيكا­­لىق كوميس­سيانىڭ قورىتىن­دى­سى بو­يىنشا مەم­لەكەتتىك ءتىلدى ەر­كىن مەڭگە­رگەن. ۇسى­نىل­عان ديپلومنىڭ كوشىر­مەسىنە ساي جو­عارى ءبىلىمى بار (ديپ­لوم­نىڭ تۇپنۇس­قا­سىمەن سالىستىرىپ تەك­سەرۋ جۇرگىزىل­دى). قازاقستان رەسپۋبلي­كاسى­نىڭ مەملە­كەتتىك قىزمەت ىستەرى اگەنت­تىگى ۇسىنعان مالى­مەتتەرگە ساي مەملە­كەت­تىك قىز­مەتتەگى جانە سايلان­بالى مەملە­كەت­تىك لاۋا­زىم­دارداعى جۇمىس تاجىري­بەسى – 14 جىل. ادىلەت مينيسترلىگى ۇسىن­عان مالى­­مەتتەرگە ساي­كەس, قازاقستان رەس­پۋب­­لي­­كا­سى­نىڭ پرە­زي­­دەنتتىگىنە كانديداتتى ۇسىن­عان «امانات» قازاقستان كاسىپ­وداق­تارىنىڭ ىنتى­ماقتاستىعى» رەسپۋب­لي­كا­لىق كاسىپو­داق­تار بىرلەستىگىنىڭ ادى­لەت مينيسترلىگىندە تىركەلگەنى تۋرالى قۇجاتى بار.