فۋتبولدان ۋەفا چەمپيوندار ليگاسىنىڭ ءۇشىنشى تۋر ويىندارى اياقتالدى. جارىستىڭ ەكىنشى كۇنىندە كەيىنگى ءتورت توپتىڭ كوماندالارى باق سىنادى.
العاشقى ەكى تۋردان كەيىن «ە» توبىندا كوش باستاپ تۇرعان «ميلان» سىرت الاڭدا ويناپ, لوندوندا «چەلسيدەن» ءىرى ەسەپپەن جەڭىلىپ قالدى – 3:0.
توپتاعى ەكىنشى ماتچتا «زالتسبۋرگ» ءوز الاڭىندا زاگرەبتىڭ «ديناموسىن» قابىلداپ, 1:0 ەسەبىمەن باسىم ءتۇستى. «F» توبىنىڭ ۇزدىگى «رەال» مادريدتە «شاحتەر» (دونەتسك) قاقپاسىنا 35 سوققى جاساپ, ەكى-اق گول ەنگىزدى – 2:1. گەرمانيانىڭ «لەيپتسيگى» ءوز الاڭىندا «سەلتيكتى» 3:1 ەسەبىمەن تىزە بۇكتىردى.
«G» توبىندا «مانچەستەر سيتي» انگليادا «كوپەنگاگەندى» (5:0), «بورۋسسيا» يسپانيادا «سەۆيليانى» (4:1) ءىرى ەسەپپەن جەڭدى. «ن» توبىندا «يۋۆەنتۋس» «ماككابيدى» 3:1 ەسەبىمەن جەڭىپ, العاشقى ۇپايىن ولجالاسا, پسج سىرت الاڭدا «بەنفيكامەن» تەڭ ءتۇستى – 1:1. پسج ساپىنان ليونەل مەسسي مەرگەندىگىمەن كوزگە ءتۇستى.