قازاقستاندىق تەننيسشى ەلەنا رىباكينا (WTA رەيتينگىندە 26-ورىن) وستراۆادا (چەحيا) ءوتىپ جاتقان ءتۋرنيردىڭ 1/8 فينالىندا بەلارۋس تەننيسشىسى الەكساندرا ساسنوۆيچپەن (31-ءشى) كەزدەسۋ وتكىزدى, دەپ حابارلايدى Egemen.kz Sports.kz-كە سىلتەمە جاساپ.
رىباكينا ءۇش سەتتە (6:7, 6:4, 7:5) جەڭىسكە جەتىپ, شيرەك فينالعا شىقتى.
وستراۆا ءتۋرنيرىنىڭ جۇلدە قورى 757 900 دوللاردى قۇرايدى. ەلەنا رىباكينا مەن الەكساندرا ءساسنوۆيچتىڭ جەكە كەزدەسۋلەرىنە كەلسەك, قازاقستاندىق ويىنشى كوشباسشىلىعىن نىعايتتى (3:0). ولار بۇعان دەيىن 2021 جىلى اقش-تا US Open جانە چيكاگوداعى تۋرنيردە كەزدەسكەن, رىباكينا ەكى كەزدەسۋدە دە (6:2, 6:3 جانە 6:4, 6:4) جەڭىسكە جەتكەن.
ەسكە سالايىق, قىركۇيەكتە ەلەنا رىباكينا پورتوروشتا (سلوۆەنيا) وتكەن تۋرنيردە فينالعا دەيىن جەتكەنىمەن, چەح تەننيسشىسى كاتەرينا سينياكوۆادان (53-ورىن) 7:6, 6:7, 4:6 ەسەبىمەن ۇتىلىپ, چەمپيوندىق اتاققا يە بولا المادى.