فۋتزالدان قازاقستان ۇلتتىق قۇراماسى الداعى سەنبى كۇنى 2024 جىلعى الەم چەمپيوناتىنىڭ ىرىكتەۋ ءتۋرنيرىن باستايدى. كۇنى كەشە قۇرامانىڭ باس جاتتىقتىرۋشىسى ريكاردو كاكا سلوۆەنيامەن وتەتىن العاشقى ويىنعا شاقىرىلعان فۋتزالشىلاردىڭ ءتىزىمىن جاريالادى.
تىزىمگە 16 ويىنشى ەنگەن. وكىنىشكە قاراي, ۇلتتىق قۇرامانىڭ كوشباسشىلارى, بىلتىرعى ەۋروپا بىرىنشىلىگىنىڭ ۇزدىك سۇرمەرگەنى ءبىرجان ورازوۆ پەن ەدسون جاراقاتىنا بايلانىستى قۇراماعا شاقىرتىلعان جوق. سونداي-اق كەيىنگى ۋاقىتتا ءتاۋىر ويىنىمەن كوزگە ءتۇسىپ جۇرگەن جومارت توقاەۆ تا تىزىمگە ىلىنبەي قالعان. فۋتزالدان قازاقستان ۇلتتىق قۇراماسىنا مىنا ويىنشىلار شاقىرتۋ الدى: قاقپاشىلار: يگيتا («قايرات»), نۇرالەم بايدۋللا («راحمەت»), اندرەي گولۋبنيچي («اقتوبە»);
الاڭداعى ويىنشىلار: دۋگلاس, داۋرەن نۇرعوجين, شىڭعىس ەسەنامانوۆ, داۋرەن تۇرساعۇلوۆ, البەرت اقبالىقوۆ (بارلىعى – «قايرات»), لەو («جوينۆيل», برازيليا), تاينان («ەل-پوسو», يسپانيا), ازات ۆاليۋللين («ايات»), ارنولد كناۋب, رايىمبەك جۇما (ەكەۋى دە – «كاسپي»), ەۆگەني كوشكين, اقجول ءدارىباي (ەكەۋى دە – «استانا»), سەرىك ءماجيتوۆ («بايتەرەك»).
قازاقستان مەن سلوۆەنيا اراسىنداعى ماتچ 8 قازان كۇنى استاناداعى جاقسىلىق ۇشكەمپىروۆ اتىنداعى «جەكپە-جەك» سارايىندا وتەدى.