سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى تسيفرلىق ۇكىمەتتى قولداۋ ورتالىعىندا جۇمىس بابىنداعى كوشپەلى كەزدەسۋ وتكىزدى, دەپ حابارلايدى Egemen.kz.
شارانىڭ نەگىزگى ماقساتى – مەملەكەتتىك باسقارۋ مەن مەملەكەتتىك قىزمەتتەردى تسيفرلىق ترانسفورماتسيالاۋدىڭ وزەكتى ماسەلەلەرىن تالقىلاۋ بولدى.
«تسيفرلاندىرۋ – باسەكەگە قابىلەتتى زاماناۋي ەكونوميكا مەن مەملەكەتتىك باسقارۋ جۇيەسىنىڭ نەگىزگى بولشەگى. بۇل سالاداعى نەگىزگى مىندەتتەر – مەملەكەتتىك قىزمەتتەردى كورسەتۋدىڭ بارلىق پروتسەستەرىن تسيفرلاندىرۋ, تسيفرلىق تەڭسىزدىكتى جويۋ, شالعايداعى ەلدى مەكەندەردى دە ساپالى ينتەرنەتپەن قامتاماسىز ەتۋ», دەپ اتاپ ءوتتى داۋرەن ادىلبەكوۆ.
كەزدەسۋگە سونىمەن قاتار تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, يندۋستريا جانە ينفراقۇرىلىمدىق دامۋ, قارجى, ەڭبەك جانە حالىقتى الەۋمەتتىك قورعاۋ, ىشكى ىستەر, ەكولوگيا, گەولوگيا جانە تابيعي رەسۋرستار, دەنساۋلىق ساقتاۋ, وقۋ-اعارتۋ مينيسترلىكتەرىنىڭ, سونداي-اق تسيفرلىق ۇكىمەتتى قولداۋ ورتالىعىنىڭ وكىلدەرى قاتىستى.